Honor 20 & Honor 20 Pro With Four Rear Cameras & Punch Hole Selfie Camera Announced

Honor 20 aur Honor 20 Pro ko aaj company ne London mein ek global launch event ke dauraan announce kar diya hai. In dono smartphones ki highlight hai, inmein aane waale four rear cameras, jinmein primary 48 MP ka camera hai. Saath hi next month ye dono smartphones India mein bhi announce hone waale hain.

Honor 20 Pro

Honor 20 Pro mein 48 MP ka primary rear camera, Sony IMX 586 sensor, f/1.4 aperture, 4-axis OIS aur  Laser auto focus ke saath diya gaya hai, secondary 16 MP camera 117-degree ultra wide angle lens aur f/2.2 aperture ke saath hai, third 8 MP camera, telephoto lens aur f/2.4 aperture ke saath moujood hai aur fourth 2 MP camera yahaan macro shots k elite f/2.4 aperture ke saath fitted hai.

Honor 20 Pro ko 8GB RAM aur 256GB UFS 2.1 storage ke saath launch kiya gaya hai. Ismein 4000mAh ki battery aapko 22.5W Honor SuperCharge fast charging ke saath milti hai.

Honor 20

Honor 20 mein bhi four rear cameras hi hain, lekin yahaan par kuch changes hain. Is smartphone mein 48MP rear camera Sony IMX 586 sensor aur f/1.8 aperture ke saath fitted hai, secondary 16 MP 117 degree ultra wide angle lens hai, third 2 MP shooter yahaan macro shots ke liye hai aur other 2 MP camera depth focusing ke liye hai.

Honor 20 mein 6GB ki LPDDR4x RAM aur 128GB storage hai. Saath hi iski battery capacity 3750mAh hai aur yahaan bhi aapko 22.5W Honor Super Charge technology di gayi hai.

Iske alawa Honor 20 aur Honor 20 Pro mein 6.26 inch ki full HD+ All-view display di gayi hai aur ye dono hi handsets Huawei Kirin 980 chipset ke saath aaye hain. Iske alawa dono mein aapko Android 9.0 Pie OS par Magic 2.1 UI milti hai. Dono hi dual SIM support ke saath aayenge, lekin microSD card slot aapko yahaan nahin milega.

Front camera ki baat karein to, dono smartphones mein 32MP ka selfie camera, f/2.0 aperture aur 3D portrait lighting ke saath moujood hai aur yahaan aapko side mounted fingerprint scanner milta hai.

Pricing Details

Honor 20 ko 499 Euros (approx. 39,000 INR) ke price par launch kiya gaya hai, wahin Honor 20 Pro ki kimat 599 Euros (approx. 46,500 INR) hai.

India mein ye dono smartphones 11th June ko launch honge.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: