HMD Global Ne India Mein Announce Kiya Launch Event, Next Month Launch Ho Sakta Nokia 7.1

HMD Global next month apna ek naya smartphone India mein launch karne wala hai. Jiske liye invites bheje jaa chuke hain. Expect kiya jaa raha hai ki company iss event mein Nokia 7.1 ko launch kar sakta hai. Nokia 7.1, jo ki already kaafi hype ko cover kar chuka hai, wide notch display ke saath launch ho sakta hai.

India mein hone wala launch event Delhi mein 6th December ko hone jaa raha hai. Is smartphone ke teaser invite mein company ne hashtag use karte huye ‘Expect More’ tag line di hai. Maana jaa raha hai ki yeh Expect More phone ki display ko le kar mention kiya gaya hai. Jaha mention ki gayi lines mein display experience ko major concern diya jaa raha hai.

 

Expect kiya jaa raha hai ki yeh launch Nokia 7.1 ko le kar ho sakta hai hai, to iss phone ki details hum aapko bata dete hain. Nokia 7.1 mein 5.85 inch ki FHD+ HDR 10 display di gayi hai jo Corning Gorilla Glass 3 protection ke saath aati hai. Jiska screen aspect ratio 19:9 hai. Phone mein 1.8Ghz ka Octa-core Snapdragon 636 processor diya gaya hai. Saath hi ismein Adreno ka 509 GPU bhi diya gaya hai. Nokia 7.1 mein Android 8.1 Oreo milta hai. Jo ki Android 9 Pie ke liye upgradable hai.

Phone ke storage ki baat karein to Nokia 7.1 mein aapko 3GB RAM aur 32GB ROM ka option milta hai saath 4GB RAM ke saath 64GB ROM ka option bhi aapko milta hai. Phone ki storage ko aap microSD card ki help se 400GB tak expand kar sakte hain. Saath hi Nokia 7.1 Mein 3060mAh ki battery di gayi hai jo ki fast charging ko support karti hai.

Phone ke optics ki baat karein to phone mein Zeiss lens based 12MP ka primary rear camera dual LED flash ke saath diya gaya hai aur secondary rear camera 5MP ka diya gaya hai. Wahi front facing camera ki baat karein to 8MP camera aapko yaha milta hai. Nokia 7.1 ko 2 color variants mein launch kiya gaya hai, Gloss Midnight Blue aur Gloss Steel color.

Yeh phone Android One powered hai. Phone mein network connectivity ke liye hybrid dual sim ka option milta hai. Phone mein dual 4G VoLTE, Wi-fi, Bluetooth, GPS, GLONASS, NFC support bhi diya gaya hai. Phone mein aapko dual band Wi-Fi diya gaya hai jo ki 2.4Ghz aur 5Ghz dono par kaam karta hai. Phone mein audio output ke liye 3.5mm headphone jack milta hai. Saath iss phone mein USB type -c charging port diya gaya hai.

Next Thursday ko launch hone par hi iss phone ki Indian market mein price aur availability jaldi hi pata chal jaaegi.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: