HMD Global Ne Nokia Ke inn Sabhi Phones Mein kiya Price Cut Ka Announcement

HMD Global ne haal hi mein apne 3 smartphones ki price mein cut ka announcement kiya hai. Inn price cut mein include hone wale smartphones mein Nokia 1(Go Edition), Nokia 2.1(Go Edition) aur Nokia 6.1 shaamil hai. Price cut ki list mein aane wale inn sabhi phones mein se kuch phones last year aur kuch issi year mein launch kiye gaye the. Nokia 6.1 ko company ne February 2019 mein announce kiya tha wahin baaki ke dono phones last year March aur August mein launch huye the.

Nokia 1 Android Go Edition ko company Rs 5,499 ki price tag ke saath announce kiya tha. Launch ke baad iss phone mein ek baar price cut ki jaa chuki hai jiske baad yeh Rs 4,999 mein available tha. Lekin current price cut ke baad yeh phone Rs 3,999 mein available hoga. Iss phone mein company ne 4.5 inch ki FWVGA IPS dislpay di hai. Iske alawa yeh phone 1.1 Ghz Quad Core MediaTek MT6737M processor ke saath aata hai. Saath hi iss phone mein 5MP ka rear camera aur 2MP ka front facing camera milta hai. Phone mein 2150mAh ki battery di gayi hai.

 

Nokia 2.1 Android Go Edition ko company ne Rs 6,999 mein launch kiya tha. Iss phone par bhi company ek baar price cut offer kar chuki hai. Jiske baad yeh phone Rs 6,499 mein available tha. Lekin haal hi mein ki gayi price slash ke baad yeh phone Rs 5,499 mein aapko milega. Iss phone mein 5.5 inch ki HD display milti hai. Yeh phone Snapdragon 425 chipset ke saath aata hai. Iske alawa phone mein 8MP ka rear camera aur 5MP ka front facing camera milta hai. Inn sabhi hardware ke saath iss phone ko 4100mAh ki battery ke saath diya gaya hai.

 

February mein launch kiya gaya yeh phone launching ke one month baad hi price cut ki list mein include ho gaya hai. Lekin company ne iss phone ke 6GB variant mein hi price cut ka announcement kiya hai. Initially yeh phone Rs 18,499 mein launch kiya gaya tha lekin ab yeh phone Rs 1500 ki price cut ke baad Rs 16,999 mein available hoga. Nokia 6.1 mein 5.8 inch ki FHD+ display coring gorilla glass 3 protection ke saath milti hai. Saath hi iss phone mein Qualcomm Snapdragon 636 chipset ka use kiya gaya hai. Phone mein 16MP+5MP ka rear camera setup milta hai. Saath hi selfie camera bhi 16MP ka hi diya gaya hai. Yeh phone Android 9 Pie OS ke saath aata hai.

 

Inn slashed prices ke saath yeh sabhi phones Nokia ke online aur offline dono hi stores mein available hain.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: