HMD Global Ne December Mein Announce Kiya Ek Aur India Launch Event; Ye Dono Smartphone Ho Sakte Hain Launch

Kal Nokia 7.1 ko India mein launch karne ke baad, HMD Global ne aaj phir se ek naye India launch event ke invites out kiye hain, pehle ye event 6th December ko hone waka hai. Lekin kisi wajah se ise postpond kiya gaya.

Ab is launch event ki date 10th December hai aur ye Mumbai mein rakha gaya hai jaha iski timing 5PM batayi gayi hai. Aaiye jaante hain ki iss event mein HMD Global kaun kaun se devices ko launch kar sakta hai.

Nokia ka ek event, Dubai mein hai jo ki 5th December ko hona hai. Ismein company apne three smartphones launch karne jaa rahi ahi. China mein launch huye Nokia X7 ko yahaan Nokia 8.1 ke naam se launch kiya jayega. Maana jaa raha hai ki 10th December ko India mein Nokia 8.1 aa sakta hai. Rumors ke according maana jaa raha hai ki agar Nokia 8.1 ko India mein launch kiya jaata hai to iss phone ki price Rs 23,999 rakhi jaa sakti hai.

Nokia 8.1 ke specification ki baat ki jaaye to phone mein aapko 6.8 inch ki FHD+ screen di gayi hai. Jaha yeh phone Qualcomm ke Snapdragon 710 processor ke saath aata hai. Saath hi phone ke camera ki baat ki jaaye to Nokia 8.1 mein 13MP +12MP ka dual rear camera setup diya gaya hai. Wahi front facing camera 20MP ka milta hai.

Phone ke storage ki baat ki jaaye to Nokia 8.1 mein 6GB RAM aur 128GB internal storage di gayi hai Jaha aap ise microSD card ki help se expand kar sakte hain. Phone mein Android 8.1 Oreo diya gaya hai. Saath hi 3500mAh capacity ki battery di gayi hai. Iske alawa phone mein rear panel par finger print scanner ka option diya gaya hai. Yeh phone 18W ki fast charging ko support karta hai.

Iske alawa Nokia 2.1 Plus ke bhi India mein launch hone ke chances hain.

Saath hi Dubai launch mein iske alawa Nokia ke flagship phone Nokia 9 Pureview ke aane ki ummid bhi jatayi jaa rahi hai. Halaanki Nokia 9 ka India launch hum abhi expect nahin kar rahe hain.

Ab dekhna interesting rahega ki India mein Nokia 8.1 aur Nokia 2.1 Plus ko company kitne price par launch karti hai aur saath hi koi aur handset bhi aayega ya nahin.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: