HMD Global Ne Kiya Confirm, Nokia Ke Inn Phones Ko Milega Android 10 (Q) Ka Update

Google dwara Android Q ke official naam ko announce karne ke baad hi, HMD Global ne Nokia phones ke portfolio ko reveal kar diya hai. Ismein yeh bataya gaya hai ki Nokia ke wah kaun se phones honge jinhe Android ka latest update Android 10 milega. Iss list unn phones ko include kiya gaya hai jinhe year 2018 aur year 2019 mein launch kiya gaya tha. Nokia ke alawa Android 10, ‘Q’ ki latest update sabse pehle Pixel devices ko aur fir Huawei ki devices ko di jaayegi. Android 10 ka roll out 2019 ke fourth quarter se shuru kiya jaayega.

HMD Global ne bataya ki Nokia phones ko yeh update ek saath nahi di jaayegi. Android 10 ki updates ko alag alag quarter slots mein provide kiya jaayega. 2019 ke Q4 mein update lene wale phones ki list mein Nokia 9 Pure View, Nokia 7.1 aur Nokia 8.1 phones shaamil hain.

Iske baad 2020 ke first quarter mein Nokia 6.1, Nokia 6.1 Plus, Nokia 7 Plus, Nokia 2.2, Nokia 3.1 Plus, Nokia 3.2, Nokia 4.2, Nokia 1 Plus, Nokia 5.1 Plus, Nokia 8 Sirocco phones ko Android 10 ki update provide ki jaayegi.

Inn phones ko update diye jaane ke baad 2020 ke second quarter mein Nokia 2.1, Nokia 3.1, Nokia 5.1Nokia 1 phones ko yeh update milegi.

Inn sabhi phones ke alawa 2017 mein launch kiye gaye Nokia 3, Nokia 5, Nokia 6 aur Nokia 8 phones ko sirf Android 9 Pie tak hi update provide kiya jaayega. Lekin inn sabhi phones ko October 2020 tak quarterly security patches provide kiye jaayenge. Abhi tak company ne  Android Q ke official roll out ke liye dates ko announce nahi kiya hai. Android Q ki aane wali updates mein users ko dedicated privacy section, dark theme, smart reply aur focus mode jaise features dekhne ko milenge.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: