HMD Global Ka Launch Event 11th July Ko, Notch Display ke Saath Nokia X5 Expected

Kayi baar rumors mein aane ke baad, finally HMD Global ne apni nayi smartphone X series ko launch karne ki taiyaari kar li hai. Company ne 11th July ko ek launch event schedule kiya hai jismein new X series ka smartphone launch kiya jayega aur jahaan tak hai ye Nokia X5 hi hoga.

Nokia X5 ko TENAA certification ke dauraan bhi dekha jaa chuka hai, jismein 19:9 display aur notch design jaise features hain. Saath hi rumors ye bhi kehte hain ki ye smartphone Nokia 5.1 Plus naam ke saath bhi launch ho sakta hai.

Nokia X5 mein 5.86-inch ki HD+ display hai aur ye MediaTek Helio P22 12nm processor ke saath aa sakta hai. Ismein two storage variants aane ki ummid hai jismein 3GB RAM ke saath 32GB internal memory aur 4GB RAM ke saath 64GB inbuilt storage options shaamil hain.

According to rumors, Nokia X5 mein Android 8.1 Oreo OS hoga aur saath hi dual SIM support aur 3000mAh ki battery capacity bhi moujood rahegi. Is smartphone mein 13 MP ka primary rear camera LED flash ke saath aur ek secondary rear camera bhi hoga. Jabki iska front camera 8 MP ka hone ki ummid hai.

Iske alawa is handset mein rear panel par fingerprint scanner bhi diya gaya hai. Iska separate microSD card slot bhi 128GB tak ke card support karta hai. Lekin ismein aapko face unlock shayad nahin milega, jo ki aaj ke samay mein trending feature hai.

Nokia X5 ko company Black, White aur Blue color options mein release kar sakti hai. Iske alawa iski baaki details aur price and availability ke liye 11th July tak ka intezaar karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: