HMD Global Jaldi Hi Launch Karegi Nokia 6.2 Smartphones, Iss Phone Ka Ho Sakta Hai Re-branded Variant

HMD Global jaldi hi global market mein apna ek aur smartphone Nokia 6.2 launch karne jaa rahi hai. Launch ki jaankari company ne tweet ke through di hai, jismein 13 seconds ke teen videos share kiye gaye hain. Videos mein iss phone ki ek jhalak dikhai gayi hai. Maana jaa raha hai ki iss phone mein company 48MP rear camera de sakti hai.

 

Tweet kiye gaye sabhi videos #GetAhead ke saath post kiye gaye hain. Rumors ki according Nokia 6.2, Nokia X71 ka global variant ho sakta hai. Iss baat ki jaankari Nokia Anew ke twitter account se share ki gayi hai. Nokia X71 ko Taiwan market mein already launch kiya jaa chuka hai.

Nokia X71 ko company ne 6.39 inch ki full HD+ pure display ke saath launch kiya hai. Iss phone mein 48MP ka primary rear camera, 8MP ka super wide angle camera aur 5MP ka depth sensing lens diya gaya hai. Saath hi iss phone mein 16MP ka punch hole selfie camera bhi milta hai. Nokia X71 phone mein 6GB RAM aur 128GB internal storage di gayi hai. Yeh phone Snapdragon 660 chipset ke saath aata hai.

 

Agar company Nokia 6.2 ko Nokia X71 ke global variant ke form mein announce karti hai, to iss phone mein humein same specs dekhne ko mil sakte hain. Iske alawa HMD Global 6th June ko hi India mein Nokia 9 Pureview smartphone ko launch karne wali hai. Rumors ke according iss phone ke saath company Nokia 1 Plus ko bhi launch kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: