HMD Global Jaldi Hi India Mein Launch Kar Sakti Hai Nokia 9 PureView Smartphone

HMD Global apne flagship smartphone Nokia 9 PureView ko India mein jaldi hi launch karne jaa raha hai. Iss baat ki jaankari Nokia Mobile India ke official  twitter account se di gayi hai. Tweet mein company ne likha ki aap Nokia 9 PureView ki help se ultimate focal length ko control kar sakte hain. Issi ke saath #ExploreEveryDetails ko bhi mention kiya gaya hai.

Abhi tak company ne iss phone ke official launch date ko announce nahi kiya hai. Jab tak company media invites ko reveal nahi kar deti hai, tab tak iss launch date ke baare mein kuch bhi kehna mushkil hoga. Lekin kuch samay pehle saamne aayi leaks mein bataya gaya tha ki iss phone ko company 6th June ko announce karegi.

Aapko bata dein ki company ne iss phone ko sabse pehle February mein huye MWC 2019 event mein show kiya tha, jiske baad iss phone ko kuch selected countries mein launch bhi kiya jaa chuka hai. Ab Indian customers ko bhi iss penta cameras wale phone ka intejaar hai, jismein 12MP ke five cameras rear panel par aur front facing camera 20MP ka diya gaya hai.

Nokia 9 PureView phone ke key specs ki baat karein to iss phone mein Qualcomm Snapdragon 845 processor ko use kiya gaya hai, jiske saath 6GB RAM aur 128GB internal storage aapko di jaati hai. Iss phone mein 5.99 inch ki P-OLED display aapko milti hai jismein QHD+ resolution diya gaya hai. Phone ki screen par gorilla glass 5 ka protection bhi aapko milta hai. Yeh phone 3320mAh ki battery ke saath aata hai, jo 18W fast charging  ko support karti hai. Phone mein rear mounted finger print scanner na de kar in-display finger print scanner diya gaya hai. Expect kiya jaa raha hai ki iss phone ko Rs 46,000 se Rs 48,000 ki price ke lagbhag launch kiya jaa skata hai, jahaan iska seedha competitor OnePlus ka latest launched smartphone OnePlus 7 Pro ban sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: