Highest AnTuTu Score Ke Saath, Xiaomi India Head Ne Redmi K20 Pro Ko Diya ‘World Fastest Phone’ Ka Tag

Redmi K20 series jaldi hi India mein launch hone waali hai aur company ise OnePlus 7 Pro ka strong competitor aur usse bhi fast smartphone batakar promote kar rahi hai. Roads par lage banners aur Twitter par teaser images ke through Redmi K20 Pro ki hype kaafi increase ho chuki hai. Ye smartphone India mein next month launch hone waala hai aur Xiaomi CEO ne ek baar phir ise highest AnTuTu score karne waale smartphone ke taur par tease kiya hai.

Redmi K20 Pro, OnePlus 7 Pro jaise flagship smartphone ko takkar dene ke liye aa raha hai aur iska AnTuTu score 388,803 hai, jo ki OnePlus 7 Pro ke AnTuTu score se bhi jyada hai. Xiaomi India Head, Manu Kumar Jain ne is handset ko‘World’s Fastest Phone’ claim kiya hai.

Manu Kumar Jain ne Tweet karte huye likha hai, ” World ka fastest smartphone kaun sa hai? Of course! Redmi K20 Pro. Snapdragon 855, triple cameras aur bhi bahut kuch hai is phone mein. Flagship smartphone  aisa hi hone chahiye aur ye bahut jaldi India mein launch hone waala hai”.

Maana jaa raha hai ki Redmi K20 Pro aur Redmi K20 India mein July 15 ke aaspaas launch honge. Is fastest phone yaani ki Redmi K20 Pro ke specs par ek baar phir se nazar daalein to, ismein aapko bezel-less full view 6.39 inch ki full HD+ Super AMOLED display, Corning Gorilla Glass 5 ke saath milegi.

Snapdragon 855 ke saath, ismein aapko Android 9.0 Pie OS par MIUI 10 user interface milega. 48 MP ka primary rear camera yahaan 13 MP ultra wide lens aur 8 MP telephoto lens ke saath moujood hai. Ismein 27W Quick Charge 4+ fast charging ke saath 4000mAh ki battery hai. Saath hi 20 MP ka pop-up selfie camera yahaan aapko milta hai.

Ismein four storage variants launch huye hain – 6GB RAM ke saath 64GB internal memory, 6GB RAM ke saath 128GB inbuilt storage, 8GB RAM ke saath 128GB ROM aur 8GB RAM ke saath 256GB inbuilt storage. India mein ye sabhi variants aayenge ya phir 2/3, ye to launch ke samay hi pata chal sakega. Lekin China mein release huye in sabhi versions ki respective price ye hain – 6GB+64GB – 2,599 (approx. 25,000 INR), 6GB+128GB – 2,599 yuan (26,000 INR), 8GB+128GB – 2,799 yuan (approx. 28,000 INR), 8GB+256GB – 2,999 yuan (approx. 30,000 INR).

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: