Snapdragon 636 Aur Kirin 710 Se Jyada AnTuTu Score Paane Waale Chipset Helio P70 Ke Saath Aayega Realm U1, Is Date Ko India Mein Hoga Launch

Diwali ke baad, to jaise India mein smartphones ki barsaat ho rahi hai. Kaafi saari leading smartphone companies is month mein ek ke baad ek smartphones launch karne waali hain. Aur is list mein ab Realme bhi jud chuki hai. Darasal, Realme, MediaTek Helio P70 chipset ke saath world ka first smartphone launch karne waali hai, jiska naam Realme U1 hoga.

Aap sahi sun rahe hain.

Realme ka ye naya smartphone nayi U series ke saath aane waala hai aur is smartphone ka launch event New Delhi mein hoga, jiske liye company already invites send kar chuki hai. Saath hi ye bhi confirm hai ki  Realme U1 Amazon exclusive device hoga. Is smartphone ko November 28 ko launch kiya jayega.

Ab baat karte hain, Realme U1 ke processor ki, MediaTek Helio P70, jo ki predecessor Helio P60 se 13% fast bataaya jaa raha hai. Iske alawa ismein better graphics aur 30% AI improvement bhi hogi. MediaTek Helio P70 ka AnTuTu score Snapdragon 636 aur Kirin 710 chipset se jyada hai.

Image Credit: Smartprix

Yaani ki aap keh sakte hain ki, Realme U1 ki performance Redmi Note 6 Pro (Snapdragon 636) aur Honor 8X (Kirin 710) se behtar hogi.

Snapdragon 636 ka AnTuTu score – 115611

Kirin 710 ka AnTuTu score – 139974

MediaTek Helio P70 AnTuTu score – 145021

Realme U1 mein aapko dewdrop notch milegi, saath hi Helio P70 chipset bhi confirm hai. Iske alawa is smartphone mein dual rear cameras diye jayenge aur rear mounted fingerprint scanner bhi hoga.

Company is smartphone ko ‘India’s Selfie Pro’ tag line ke saath promote kar rahi hai. Aur maana jaa raha hai ki Realme U1 ka selfie camera 25 MP ka hai, jo achhi selfie images offer karta hai. Is smartphone se  li gayi ek selfie khud company ke CEO Madhav Seth ne click ki hai, jise aap upar dekh sakte hain.

Is smartphone mein 6.3 inch ki full HD+ display, 4GB RAM aur 4230mAh ki battery aa sakti hai. Aur is smartphone ki price 15,000 INR ke aas-paas ho sakti hai.

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: