HDR 10 PureView Display Ke Saath India Mein Launch Hua Nokia 7.1

HMD Global ne aaj India mein apna latest smartphone Nokia 7.1 launch kiya hai. Ye smartphone Gloss Midnight Blue aur Gloss Steel colors mein online and offline leading retailers ke through all over India mein available hoga. Nokia 7.1 ko aap 7th of December, 2018 se purchase kar sakte hain.

Nokia 7.1 ek Android One smartphone hai au rise last month China mein launch kiya jaa chuka hai. Is handset ki khaasiyat hai iski PureView Display, jiske reviews waakyi kaafi achhe hain.

Ab specs ki baat karein to, Nokia 7.1 mein aapko 5.84 inch ki full HD+ HDR 10 display mil jaati hai, jo 19:9 aspect ratio aur Corning Gorilla Glass 3 protection ke saath di gayi hai. Ye display apne aap hi indoor aur outdoor sunlight ke according khud ko adjust kar leti hai, saath hi ye 500-million pixels ko per second process kar, aapko accurate HDR video provide karti hai. Company ise PureView display kehti hai.

Iske alawa,ye smartphone mein Octa Core Qualcomm Snapdragon 636 processor par chalta hai aur saath hi ismein 4GB ki LPDDR4x RAM aur 64GB ki internal memory di gayi hai.

Nokia 7.1 mein 12 MP ka primary camera, dual LED flash light, f/1.8 apertureaur EIS ke saath moujood hai, wahin iska 5 MP ka secondary rear shooter, f/2.4 aperture ke saath aata hai aur ek monochrome camera hai. Ismein 8MP ka AI selfie camera bhi milta hai hai, jo AI face recognition feature ke saath aata hai.

Nokia 7.1 mein aapko hybrid dual SIM slots milte hain, rear mounted fingerprint scanner bhi yahaan par diya gaya hai. Iske alawa fast charging ke saath 3060mAh ki battery bhi mil jaati hai. Connectivity features ko agar dekhein, to ismein dual 4G VoLTE, WiFi 802.11 ac, Bluetooth 5.0, GPS, GLONASS, USB Type-C port, NFC aur 3.5mm headphone jack diye gaye hain.

Filhaal ye Android 8.1 Oreo OS ke saath launch kiya gaya hai, lekin jaldi hi ismein aapko Android 9.0 Pie OS mil jayega.

Ab aate hain, pricing par, to Nokia 7.1 ko aap India mein 19,999 INR ki kimar par kharid sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: