Google Science Fair 2019 Mein Inn Indian Students Ko Mila Wining Award

Google dwara organised kiye Google Science Fair 2019 ke winners ke naam ko aaj announce kar diya gaya hai. Iss list mein India ke do students ka naam bhi include hain. Yeh students A U Nachiketh Kumar aur Aman K A hain. Inn dono students ko THE NATIONAL GEOGRAPHIC EXPLORER AWARD mein winners announce kiya gaya hai. Inn dono students ki age 16 aur 18 years hai. Yeh dono students Karnataka ke Puttur aur Unnippanagade village ke rahne wale hain.

 

Inn dono students ne Rubber ko prepare karne aur use settle karne ka eco-friendly tarika invent kiya hai. Iss project ka naam Averrhoa Bilimbi- A Natural Coagulant for Rubber Latex hai. Rubber ke products ka consumption din par din bhadta hi jaa raha hai. Actually, Bilimbi South India mein paaye jaane wala ek tree hai jisse khatte (Sour) fruit milte hain. Rubber banane ke liye ek liquid Formic Acid ka use kiya jaata hai. Iski jagah Bilimbi se nikalne wale ek extract ka use rubber ko settle karne mein kiya jaayega.

Google Science Fair mein world ke 14 countries ke 24 students ne participate kiya tha. Iss fair mein alag alag topics par different projects ko show kiya gaya tha. The National Geographic Explorer Award  ke alawa India ki Nishtha KK ko bhi The Inspiring Educator ka Award diya gaya hai. Company ne bataya ki iss fair mein bahut se inspiring projects dekhne ko mile hain jo STEM Discipline se judi huyi hain, jo plants mein hone wali disease se le kar human heart mein hone wali disease ka pata bhi laga sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: