Google Pixel 3 Aur Pixel 3 XL Launch Huye; India Price Bhi Announce Hui

Google ke Made By Google 2018 event mein finally Pixel 3 series saamne aa chuki hai. Pixel 3 aur 3 XL Clearly White, Just Black aur Not Pink colors mein launch kiye gaye hain, saath hi inke India price ki bhi announcement ho chuki hai.

Google Pixel 3 mein 5.5 inch ki full HD+ OLED display hai, jabki Pixel 3 XL mein 6.3 inch ki Quad HD+ OLEd display di gayi hai. Dono smartphones mein Corning Gorilla Glass 5 protection moujood hai.

Dono smartphones mein Octa Core Qualcomm Snapdragon 845 chipset moujood hai aur graphics ke liye Adreno 630 GPU hai. Google ne dono smartphones ko 4GB RAM aur 64GB / 128GB storage options ke saath launch kiya hai.

Well, ye to obvious hai ki ye flagship handsets Android 9.0 Pie OS ke saath aaye hain. In dono smartphones mein 12 MP ka rear camera hai jo LED flash light, f/1.8 aperture, dual PD auto focus, OIS, 4K video recording aur flicker sensor ke saath aaya hai.

Haalanki aapko ye shikayat ho sakti hai, ki yahaan dual rear cameras nahin diye gaye hain, lekin Google ki Pixel series mein single camera ke saath bhi amazing picture quality milti hai. Lekin yahaan par aapko selfie ke liye dual cameras mile hain. Pixel 3 aur Pixel 3 XL mein dual 8 MP front snappers hain aur inke saath bhi f/1.8 aperture (main), f/2.2 aperture (secondary) aur full HD video recording jaise features diye gaye hain.

Dono smartphones mein rear mounted fingerprint scanners bhi hain aur ye dono hi IP68 rating ke saath water aur dust resistant hain.

Battery capacity ki baat karein to, Pixel 3 mein 2915mAh ki battery hai aur Pixel 3 XL aapko 3430mAh ki battery ke saath milta hai. Dono handsets mein fast charging aur wireless charging support diye gaye hain.

Pixel 3 aur 3 XL mein front par hi speakers moujood hain aur 3 microphones diye gaye hain. Isi ke saath Pixel 3 mein aapko standard full vision display milta hai, jiski top and bottom bezels thodi thick hain, lekin Pixel 3 XL mein aapko thin bezels ke saath notch display di gayi hai.

Ab badhte hain price ki taraf, Pixel 3 aur Pixel 3 XL ka India price bhi saamne aa chuka hai.

Model U.S.  Price India Price
Pixel 3 64GB model 799 US Dollars (approx. 59,000 INR) 72,000 INR
Pixel 3 128GB model 899 US Dollars (approx. 66,500 INR) 80,000 INR
Pixel 3 XL 64GB model 899 US Dollars (approx. 66,500 INR) 83,000 INR
Pixel 3 XL 128GB model 999 US Dollars (approx. 74,000 INR) 92,000 INR

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: