Airtel Online Store Par Ab Kewal 10,599 INR Ki Kimat Dete Hi Aapke Haath Mein Hoga Google Pixel 2, Jaaniye Kaise

Google ke Pixel 2 aur Pixel 2 XL ko launch huye ab 1 saal hone hi wala hai aur hum sab ye jaante hain ki ye Google ke handsets kaafi high range mein launch kiya gaye the, lekin ab ye smartphones aapke budget mein aasaani se fit ho sakte hain.

Darasal, Google Pixel 2 aur Pixel 2XL is samay Airtel ke online store par 10,599 INR ki down payment ke saath available hain.

Airtel ke is offer mein 64GB wala Pixel 2, 10,599 INR ki down payment ke saath available hai aur iske baad aapko 2,799 INR ki monthly installments mein iski kimat chukaani hogi, jo ki 18 months ki hain.

Iske alawa Pixel 2 ka 128GB variant bhi 12,599 INR ki down payment karte hi aapke haath mein hoga aur uske baad aapko iski bhi 2,799 INR ki installments 18 months tak pay karni hain.

Iske alawa Pixel 2XL ke 64GB aur 128GB versions ke liye aapko 15,599 INR aur 22,599 INR ki down payment dekar wahi 18 mahine ki installments pay karni hongi.

Iske alawa Airtel store se in phones ko kharidne par aapko 50GB 4G data per month aur 1 year free Amazon Prime membership jaise offers bhi mil rahe hain.

Aaiye phir se ek nazar daalte hain inke specs ki taraf,

Pixel 2 mein 5-inch ki full HD AMOLED display hai aur saath hi ye handset Snapdragon 835 processor par chalta hai. Ismein 12.2 MP ka auto focus rear camera aur 8 MP ka front camera diya gaya hai. Ismein 4GB ki RAM hai aur 2700mAh ki battery bhi di gayi hai.

Wahin doosri taraf, Pixel 2XL mein 6-inch ki full HD AMOLED display aur 2.35 GHz ki clock speed ke saath Snapdragon 835 processor diya gaya hai. Ismein bhi 12.3 MP ka rear aur 8 MP ka front camera hai. Ismein 3520mAh ki battery aur 4GB ki hi RAM hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: