Google Ne Play Store Se Remove Kiye Yeh 29 Malicious Apps, Quick Heal Security Labs Ne Jaari Ki Reports

Google ne aaj official Google Play Store se 29 malicious apps ko remove kar diya hai. Google dwara share kiye gaye data mein bataya gaya hai ki inn apps ko 1 Crores se jyada baar download kiya jaa chuka hai. Company ne inn apps ka ek screen shot bhi share kiya hai. Agar aap inmein se koi bhi apps apne phone mein install kiye huye hain, to inhe immediately uninstall kar dein.

Inn melicious apps ki jaankari Quick Heal Security Labs ke through saamne aayi hai. Company ne bataya ki inn apps ko Multiapps Multiple Accounts ke through 5 Millions se jyada baar download kiya jaa chuka hai. Reports ki according inn 29 apps mein 24 apps HiddAd category ke apps hain, jo full screen par users ke device par play hote hain. Iske alawa 5 apps Adware category mein aate hain.

HiddAd category mein aane wale apps device ko use naa hone par bhi ads ko display karte rehte hain. HiddAd category mein jyadatar photography apps include hain, jinhe user photography aur editing ke liye use karte hain. Jaise hi user inn apps ko shortcut ke through launch karte hain, waise hi yeh apps full screen ads ko play karne lagte hain. Iske alawa inmein X-ray scanning jaise bhi kuch apps include hain, jo aapke social media par ads show karte hain. Security Labs ki according X-Ray apps mein se 2 apps aise hain jo Play Store par 2 Millions se jyada baar downloads kiye jaa chuke hain.

Company ne bataya ki yeh apps na sirf idol mode mein kaam karte hain balki aapke phone ki battery ko bhi jaldi drain kar dete hain. Inn apps mein show hone wale ads mein kuch ads aise bhi hote hain jinmein na to skip ad ka option hota hain aur na hi ads ko remove karne ka option hota hai. Na chahte huye bhi aapko inn ads ko dekhna padta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: