Google Ne Launch Kiye Pixel 3a & 3a XL: Ye Hai India Price & Detailed Specs

Google I/O 2019 ke duaraan finally company ne Pixel 3a aur 3a XL ko announce kar diya hai. In dono smartphones ke liye aap abhi se Flipkart par register kar sakte hain aur inki sale 15th May se India mein start hogi.

In dono hi smartphones mein sirf display aur battery capacity ka fark hai, otherwise saare features similar hain. Google Pixel 3a mein 5.6 inch ki full HD+ 18.5:9 display hai aur saath hi DragonTrail Glass protection bhi aapko yahaan par milta hai. Iske alawa Pixel 3a XL mein 6-inch ki full HD+ 18:9 display di gayi hai aur ismein bhi DragonTrail Glass protection moujood hai. In displays mein aapko HDR support bhi diya gaya hai.

Iske alawa dono hi smartphones mein 10nm process based Octa Core Snapdragon 670 processor hai, jiske two Kryo 360 cores ki clock speed 2.2 GHz hai aur other six cores ki clock speed 1.7 GHz hai. Yahaan par Adreno 615 GPU, 4GB ki RAM aur 64GB ki internal memory di gayi hai.

Google Pixel 3a & 3a XL mein 12MP ka rear camera, LED flash light, f/1.8 aperture, 76 degree FOV, dual PD auto focus aur 4K video recording support ke saath diya gaya hai. Saath hi in dono mein front par 8 MP ka selfie camera bhi f/2.0 aperture, 84 degree field of view jaise features ke saath milta hai.

Pixel 3a mein 3000mAh ki battery hai, jabki Pixel 3a XL ki battery capacity 3700mAh hai. Lekin yahaan dono hi smartphones mein aapko 18W fast charging support diya gaya hai.

In dono smartphones mein aapko Android 9.0 Pie OS milta hai, lekin company ne is I/O 2019 mein Android Q ka Beta 3 version bhi introduce kiya hai, jise aaj se hi aap Pixel phones mein update kar sakte hain.

Google Pixel 3a & 3a XL mein rear mounted fingerprint scanner, 3.5mm audio jack, USB Type-C Gen-1 jaise features bhi included hain.

Ab pricing ki baat karein to, Pixel 3a and 3a XL ki India price reveal ho chuki hai. Pixel 3a ko aap 39,999 INR aur 3a XL ko 44,999 INR mein purchase kar sakte hain. Wahin US mein inke price USD 399 aur USD 479 honge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: