Google Ne India Mein Launch Kiya Bolo App, Primary Students Ki Reading Aur Speaking Capability Ko Karega Enhance

Google ne aaj India mein BOLO app ko launch kar diya hai. Yeh app primary students ke liye launch kiya gaya hai jahan iska use Hindi aur English languages ke better pronunciation aur understanding ke liye kiya jaaega. Company ne bataya ki yeh app text to speech aur voice recognition technique par work karta hai. Iske alawa iss app ki khaas baat yeh bhi ki yeh app offline bhi kaam karega.

 

Google ke product manager Nitin Kashyap ne bataya ki poor English reading capability ki wajah se kaafi students ko quality education nahi mil paati  hai. Yeh app reading ke saath saath students ke word pronunciation ko bhi enhance karegi.

 

Students ki security ke liye iss app mein kisi bhi tarah ka data server par save nahi kiya jaaega. Sabhi type ka data aapki device mein hi store hoga. Yeh app 50MB se kam ki storage ko cover karta hai. Jahan tak ki ise use karne ke liye aapko internet on karne ki bhi jarurat nahi padti hai. Abhi iss app mein sirf English aur Hindi languages ko add kiya gaya hai lekin aane wale samay mein Marathi, Bengali jaisi languages ko bhi add kiya jaaega. Company ne bataya ki wah kuch non-profitable organisation ke saath kaam kar rahi hai jinki help se wah iss app ko sabhi needed logon tak pahuncha sake.

 

Bolo app mein Diya naam ka ek animated assistant character available hai jo students ko reading aur speaking ke liye motivate karta hai. Iske saath hi yeh character galat pronunciation karne par use correct kar ke batata hai saath hi sahi pronunciation karne par students ko encourage bhi karta hai. Iss app mein Hindi aur English dono hi languages ki lagbhag 100 stories available hain. Kuch stories pre-loaded milti hain aur kuch ko aap download bhi kar sakte hain. Yeh app Android 4.4 Kitkat ke baad aane wale sabhi OS ko support karega. Google Play Store se aap iss app ko free mein download kar sakte hain. Iss app mein login karne ke liye aapko kisi bhi tarah ke personal information fill karne ki jarurat nahi hai.

 

Company ne iss app ko Uttar Pradesh ke 200 villages mein test kiya hai. 3 months ke use ke baad wahan ke 64% students ki languages reading aur speaking fluency mein kaafi acha improvement dekhne ko mila hai. Iss trial ke baad hi company ne iss app ko officially launch kiya hai. Yeh app abhi sirf Android platform par hi available hai. Iss app ko sabse pehle India mein launch kiya gaya hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: