Google Ne Foldable Phone Settings Aur Improved Security Features Ke Saath Release Kiya Android Q Beta

Google ne aaj next Android version Android Q ke liye Android beta announce kiya hai. Google ke according is naye version mein privacy aur security features ko aur behtar banaaya gaya hai. Saath hi camera ke liye depth focusing par bhi kaam kiya gaya hai. Iske alawa Android Q beta version mein connectivity ke liye new APIs, new camera improvements, Apps ko aur fast open karna, jaisi kayi behtar cheezein hongi.

Saath hi bataay gaya hai ki iska ye first beta version hai. Android Q beta ka second version next month available hoga, Beta third version May mein, 4th version June mein aur 5th version launch se kuch samay pehle hi aayega.

Android Q beta is samay Pixel, Pixel XL, Pixel 2, Pixel 2 XL, Pixel 3 aur Pixel 3 XL smartphones ke liye available hai. Aap ise Android developer website se download kar sakte hain.

Android Q beta version mein foldables phones ke liye support hoga. Android Q mein screen change karne ke liye onResume & onPause support hoga. Saath hi Android Q mein apps open karne par content screen ke according kaise resize ho, iska bhi feature hoga.

Iske alawa ismein sharing process bhi faster milne waala hai, yaani ki agar koi image aapne click hai, jise aap kisi ke saath share karna chahte hain, to us process ko fast karne ke liye bhi shortcuts honge. Setting ke liye bhi Android Q beta mein kuch improvements honge. Yahaan par aapko ek new API milegi, ye  aapko wo settings show karegi, jo aapke dwara us samay use ki jaa rahi app ke liye sahi hain.

Iske alawa Wi-Fi improvements, Camera ki depth focusing format, new audio and video codes, ART performance improvements jaise kayi naye features ismein aapko mil sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: