Google Ne Announce Kiye Android 10 Ki Update Milne Wale Device Manufacturer Ke Naam

Google ne last month apni Pixel devices ke liye Android 10 ki stable update provide ki hai aur ab jaldi hi other OEMs (Original Equipment Manufacturer) ko bhi yeh update di jaane wali hai. Ismein Google ne unn sabhi manufacturers ki list ko release kiya hai, jinki devices ko iss saal ke end tak Android 10 ki update di jaayegi.

Iss list mein aane wali OEMs ke naam mein Asus, LG, Motorola, Oppo, Samsung, Sony, Transsion, Vivo, Sharp, Realme ka naam include hain, jinhe iss saal ke end tak Android 10 ki update di jaayegi. OnePlus ne apne smartphone ke liye public  Beta program release kiya hai, iske alawa Xiaomi aur Essential ne apni devices ko Google ki announcement ke saath hi update dena shuru kar diya tha. Isi ke saath Nokia 8.1 ko iss week se Android 10 ki update milna shuru ho jaayegi.

Iss list ko release karne ke saath hi Google ne ek data report bhi post ki hai, jismein beete kuch samay mein Android 8 (Oreo), Oreo MR1, Android 9 (Pie) ke adoption rate ko show kiya hai. Ismein bataya gaya hai Android 9 Pie ke launch se pehle Android 8 Oreo ko adoption rate 8.9% tha. Iske baad Android 10 ke launch se pehle Android 9 Pie ki adoption rate 22.6% record ki gayi hai. Iss adoption rate mein Android 9 Pie ki adoption rate sabse jyada record ki gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: