Google ne Announce Kiya Next Android Version; Ye Hoga Naam

Google ne Android 9.0 Pie OS ke successor ko announce kar diya hai aur is baar ismein kaafi changes saamne aaye hain. Google ne 2007 mein Android ko announce kiya aur 2008 mein Android OS phones mein nazar aaya aur tabhi se har saal alphabetical order mein Android ke naam kisi dessert par rakhe jaate hain. Lekin is saal ye trend khud Google ne tod diya hai.

Is saal Android Q ka naam sab jaanna chah rahe the, aur company ne announce kiya hai ki is baar ye naam kisi dessert par nahin hoga aur kaafi simple hoga, jise Android 10 ke naam se hi jaana jaayega. Saath hi Android ka logo color bhi change kiya gaya hai. Ab tak Android ka logo sirf light green color mein nazar aata raha hai aur is saal ye Black kar diya gaya hai.

Iske alawa Android 10 ki announcement ke saath hi Nokia ke apne un phones ki list bhi jaari kar di hai, jinhein Android 10 update milne waala hai.

Company ka kehna hai ki wo jaldi hi updated logo ka use coming weeks mein karna shuru karenge, jab Android 10 ka final aur Pixel series ka launch hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: