Google Ne Kayi Naye Aur Improved Features ke Saath Announce Kiya Android Pie (Go Edition)

Google, Android ka naya version Android 9.0 Pie OS launch kar chuka hai aur aaj company ne iske Go Edition yaani ki Android Pie (Go Edition) ki bhi announcement kar di hai. Last year Google ne apna pehla Go Edition launch kiya hai taaki first-time smartphone owners ko entry-level smartphones ke saath bhi smooth aur fast performance mil sake.

Aaj company ne Pie (Go Edition) launch kiya hai, jiske saath aapko additional 500MB storage bhi milti hai. Isi ke saath company ka ye latest Pie (Go Edition) kayi tarah se advanced hai jaise ki ismein aapko behtar security features milte hain. For example – ek accessible dashboard ke saath aap apne data ki consumption ko track aur monitor kar sakte hain.

In sab ke alawa company ne kayi Pie (Go Edition) apps bhi announce ki hain, jinke zariye aapko fast aur improved performance dekhne ko milega. YouTube Go se aap free mein downloading kar sakte hain. Maps Go app mein bhi ab aapko Navigation feature milega. Google Assistant Go mein bhi aapko liye ab kayi extra languages ka support hai jaise ki Spanish, Brazilian Portuguese aur Indonesian.

Iske alawa Android Pie (Go Edition) smartphones ke liye jo mesagging app hai uska size bhi 50% kam ho gaya hai. Phone app mein bhi aapko caller ID aur spam calls ko detect karne jaise features milne waale hain.

Google Go mein bhi aapke dwara kisi bhi open kiye gaye webpage ko read karne aur saath saath words ko highlight karne ki bhi capability hogi taaki aap aasaani se saari khabar jaan sakein.

Company ka pehna hai ki Pie (Go Edition) ka first batch isi year ke last tak release ho jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: