Google Ne Add Kiye Gmail Mein Kuch Naye Features, Users Ke Liye Honge Helpful

Google hamesha apne customers ke liye kuch naya karne mein laga rehta hai. Fir chahe wah Google ke play store se bekar apps ko remove karna ho ya apni services ko upgrade karna. Issi upgrade ke chalte Google ne Gmail ki services mein kuch changes kiye hain, jo ki users ke liye beneficial saabit ho sakte hain. Iss duaraan ismein aapko shortcut dekhne ko milenge.

Kiye gaye changes mein compose window mein undo aur redo shortcut ko add kiya gaya hai. Iske alawa strikethrough shortcut optiob ko bhi add kiya gaya hai. Shortcut ke alawa ab aap message ya mail ko EML format mein download bhi kar sakenge. Yeh sabhi features jaldi hi sabhi users ke liye rollout kiye jaaenge.

 

EML Feature

EML feature ka use aap message ya mail mein aaye kiye bhi multi media file ko download karne ke liye kar sakte hain. Jiski help se aap uss file ko off line bhi use kar sakenge.

Redo Aur Undo 

Yeh shortcut aapko compose window ke taskbar mein nazar aaega. Jaisa ki aapko pata hoga ki undo button ka use kisi bhi text ko restore karne ke liye aur Redo button use usi task ko dwara se perform karne ke liye kiya jaata hai.

Strikethrough Button  

Agar aap keyboard par di gayi short keys ko use karna pasand nahi karte hain to definitely yeh button aapke liye hi add kiya gaya hai. Basically yeh shortcut button aapke mail ya message composing ko kaafi easy bana deta hai. Jab aapka task complete ho jaata hai to yeh button aapko usmein ho sakne wale best changes ko appear karta hai.

 

Google jadli hi inn sabhi features ko Gsuite users ke liye rollout karna shuru karega. Abhi yeh changes sirf Google Web Client ke liye kiye gaye hain. Ise abhi Android aur iOS platform par karna baaki hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: