Google Ke Latest Version Mein Kaise Block Karein Heavy Ads & Mute Karein Notifications

Google ka next version aa chuka hai. Google ka naya version, Google 80 apne saath kayi naye features laaya hai, jo ki aapke PC ko speed-up karne mein kaafi helpful hain. Inmein sabse khaas hai, long aur heavy advertisements ko block karne ka option. In features ko aap manually enable kar sakte hain. Saath hi doosra hai, jab koi new site aap kholte hain aur usmein automatically drop down request aati hai “you want to allow notifications” jismein block aur allow ke buttons aate hain. Is notification request ko bhi aap manually rok sakte hain. In sabhi choti choti cheezon se aapki internet surfing aur bhi better ban sakti hai.

Aaiye aapko bataate hain ki ‘heavy’ ads ko aap kaise block kar sakte hain.

  • Hum sabhi jaante hain ki browser par koi bhi site open karne par kitne saare ads nazar aate hain. Well Google 80 mein aapko yahaan long ads block karne ka option ab mil raha hai jo ki kaafi saare system resources use karte hain aur hamaare PCs ko slow bhi.
  • Sabse pehle aap  Google browser ko open karein. Top right corner mein three  dots hain, unmein click karke ‘Help’ option ko choose karke ismein ‘About Google Chrome’ choose karein. Yahaan aapko check karna hai ki aapka version Google 80 hi ho.
  • Agar aisa nahin hai, to aapko yahaan update ka option milega aur aap Google 79 ko 80 mein upgrade kar lein.
  • Iske baad aap is link ko open karein: chrome://flags/#enable-heavy-ad-intervention.
  • Is link ko open karte hi aapko sabse upar ‘Heavy ads Intervention’ ka option nazar aayega, ise aap manually enable karein, jaise ki aap neeche di gayi image mein dekh sakte hain.
  • Iske baad browser ko restart karein.

Aaiye ab aapko bataate hain ki pop-up notification requests ko kaise band karein.

  • Iske liye bhi sabse pehle aapko browser open karke top-right corner mein click kar ‘Help’ option se hote huye ‘About Google Chrome’ mein jaakar dekhna hoga ki aap ‘Google 80 hi use kar rahe hon.
  • Iske baad aapko is link par click karna hoga: chrome://flags/#quiet-notification-prompts
  • Is link ko open karke aapko ‘Quieter notification permission requests ka option nazar aayega.  Iske aap ‘Enable’ kar dein.
  • Iske baad browser ko restart kar lein.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: