Ab Is Tarah Google Home Speakers Ko Bhi Hindi Mein De Sakenge Voice Command

Google Home smart speakers abhi kuch samay pehle hi launch kiye gaye the. Efficient hands free use ki wajah se iss device ne kaafi popularity gain ki hai. Google Home ka use  kar ke hum apne kaafi saare kaam easily kar lete hain jese call karne ke liye, music sunne ke liye, weather report ke liye, kisi bhi reminder ko set karne aur usko remind karane ke liye bhi. Aise kaafi kaam hai jo Google Home speaker aapke liye karta hai.

Lekin abhi tak yeh sabhi kaam Google Home sirf english mein command dene par karta tha lekin ab yeh apki voice command ko hindi mein bhi accept karega. Ji ha ab aapko Google Home speaker mein hindi languages ka support bhi milega.

 

Thursday ko company ki taraf se ki gayi announcement mein company ne bataya ki Google Home aur Home mini dono mein hi hindi language ka support milega. Abhi tak aapko sirf smartphones mein hi Google Assistant ke sath hindi language ka support milta tha lekin ab aap apni matra bhasha hindi mein hi Google Home smart speakers ko operate kar sakenge.

Google Home speakers ke liye hindi ko apni primary language select karne ke liye aap in steps ko follow kar sakte hain :-

  • Apne smartphone mein Google Home App open kijiye
  • Account option ko select kijiye
  • Settings ke icon par click kijiye
  • Assistant option ko choose kijiye
  • Languages option select kijiye
  • Add a languages par tap kijiye
  • Hindi (Bharat) ko select kijiye

Iss tarah aap apne Google Home ya Google Home mini mein hindi language ko select kar apni default language bana sakte hain, aur Google Home speakers ko hindi mein command de sakte hain. Yaha aapko ek baat ka dhayan dena hoga ki aap Google home device ko command dene ke liye ek baar mein ek hi language select kar sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: