Google Home Aur Google Home Mini Smart Speakers 4,499 INR Ki Starting Price Ke Saath India Mein Launch Kiye Gaye

Google ke Google Home aur Home Mini speakers aaj finally India mein launch kiye gaye. Ye wahi speakers hain jinhein October 2016 aur October 2017 ke Google dwara host kiye gaye Hardware event mein showcase kiya gaya tha.

Google Home ki kimat India mein 9,999 INR hai, jabki Google Home Mini ko aap kewal 4,499 INR mein apne ghar leja sakte hain. Ye smart speakers India mein aapko Google Play Music, YouTube, Netflix, Gaana aur Saavn apps support ke saath milega. Ye dono online exclusively Flipkart par available honge aur offline desh bhar mein 750 se jyada retail outlets par bhi milenge.

Ab aate features par to Google Home mein top par touch panels hain jinse aap volume control kar sakte hain aur Google Assitant ko activate kar sakte hain. Iske alawa aapko four LED lights bhi iske top par nazar aayengi jo actions ke adhaar par color change karti rehti hain.

Iske alawa Google Home Mini mein bhi upar ki taraf four LED lights hain jo iske on rehne par chalti hain aur mic ke button ko mute karne par orange ho jaati hain.

In dono smart speakers ki khaasiyat yahi hai ki inmein aap music enjoy karne ke saath saath, inse apni day today activity mein help bhi le sakte hain. Jaise ki ‘Ok Google’ bolkar Google Assistant ko activate kijiye aur phir use koi bhi sawaal puchiye jaise ki aaj ka temperature, Match ka score ya kisi bhi gaane ko play karne ke liye sirf voice command dijiye. Ye speakers apki saari commands accept kar aapko sab bataayenge.

India mein Google Home aur Mini ko kuch offers ke saath launch kiya gaya hai jaise ki October 2018 se pehle kharidne par six months ka Gaana subscription free. 30th April se pehle purchase karne par Gaana Plus aur Saavn Pro ka subscription 18 months ke liye kewal Re. 1 mein. Iske alawa HDFC credit card se purchase karne par 10% cashback offer. Flipkart se isi mahine purchase karne par JioFi router free.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: