Good News ! Xiaomi Redmi Note 5 Ke Saath Mi TV 4 India Mein Launch Hone Ki Ummid

Ye to hum sabhi jaante hain ki India mein Xiaomi is saal ka pehla launch kal yaani ki 14th February ko karne jaa raha hai jismein Redmi Note 5 launch hone ki ummid hai, lekin saath hi ye company kal India mein Redmi Note 5 ke saath Mi TV 4 bhi launch kar sakti hai, jo ki ek behad badi news hai kyonki yadi ye TV launch hua, to ye Xiaomi ka pehla TV hoga jo home country China se bahaar launch hone jaa raha hai. Halaanki Xiaomi ki taraf se abhi tak koi official information nahin hai.

Redmi Note 5 ki khabarein to kaafi pehle se aa rahi hain aur kuch hi samay pehle “redminote5” Mi.com website ke coding mein hi dekha gaya. Aur ab Xiaomi ka ek teaser video India mein pehle Mi TV ke launch ka hint deta nazar aa raha hai aur ummid hai ki ye latest Mi TV 4 ho sakta hai.

Xiaomi ke online partner Flipkart par bhi isi week ke starting mein ek teaser page dikhaya gaya tha jismein upcoming products ke slight details mentioned the. Mi TV 4 ko Xiaomi CES 2017 mein showcase kar chuka hai aur agar ye India mein launch hota hai to ye Xiaomi ka pehla TV hoga jo home country se bahaar launch kiya jayega aur ye 3 variants mein aa sakta hai jismein 49 inch, 55 inch aur 65 inch TVs shaamil honge.

Isi ke saath is khabar ko Xiaomi ne khud Twitter par Monday ko Tweet karke badhawa diya hai jismein ek video company dwara post ki gayi hai “What is that”, ismein aapko badi aur slim display ki ek jhalak dikhegi jisse ye aur bhi saaf ho gaya hai ki Xiaomi kal TV announce kar sakta hai.

Halaanki Redmi Note 5 ke price ka idea to sabhi ko hai, lekin is Mi TV ke budget ka anumaan lagaana thoda mushkil hai fir bhi Flipkart ke brand page par “Easy on the pocket” ka likha hona ye saaf kar raha hai ki baaki Xiaomi products ki hi tarah ye product bhi competitive price par launch ho sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: