Realme U1: What’s Good And What’s Not So Good

Realme U1 ko 28th Novemeber ko India mein launch kiya gaya. Company ne is smartphone ke saath apni nayi U-series ko bhi market mein enter kiya hai. Halaanki is smartphone mein diye gaye chipset ki kaafi taareef ho rahi hai, lekin har product ki tarah ismein bhi kuch acchi cheezein aur kuch kamiyaan hain, aaiye jaante hain ki wo kya hain.

Good Points

MediaTek Helio P70 Chipset: Realme U1 mein Octa Core MediaTek Helio P70 12nm processor diya gaya hai. Is smartphone ko jitna bhi use karke dekha hai, ye smooth performance dene wala chipset hai. Is budget mein aane waala ye ek aisa chipset hai, jo aapko kaafi achhi gaming performance bhi deta hai.

Iske alawa iske benchmarks par nazar daalein, to ye MediaTek Helio P60 se 20% fast hai aur Snapdragon 660 chipset se bhi iski performance achhi hai. Saath hi Helio P70 chipset, ek power efficient chipset hai.

Dewdrop notch: Realme U1 mein dewdrop / waterdrop notch di gayi hai, jiski wajah se aapko truly full view display milti hai. Saath hi is smartphone mein bezels bhi ultra slim hai, jo aapko premium look dete hain. Realme U1 wo first smartphone hai, jo kewal 11,999 INR mein dewdrop notch ke saath launch kiya gaya hai.

Battery: Is smartphone mein 3500mAh ki battery di gayi hai. Use karne par pata chalta hai ki ye 7 se 8 ghante tak aaram se chalti hai, yaani ki full day ke liye kaafi hai. Halaanki fast charging nahin hai, to ise charge hone mein lagbhag 2 hours ka time jaata hai. Lekin Helio P70 processor hone ke kaaran ye handset power efficient hai, to heavy usage ke saath bhi aapka smartphone 1 poora din aaram se chalta hai.

Selfie AI camera: 11,999 INR ki range mein 25 MP ka selfie camera, wo bhi AI feature ke saath, aapko aur koi nahin deta hai. Realme U1 ka selfie camera achha kaam karta hai. Natural pictures ke saath aapko kaafi detailing bhi yahaan par mil jaati hai. HDR aur AI beautification jaise features bhi ismein moujood hain.

Bad Points

HD streaming: Realme U1 mein Netflix ya other kuch aur video streaming apps par aapko HD streaming nahin milti hai. Halaanki, is price range mein jyadatar budget phones mein ye problem aati hi hai, to bahut bada major drawback bhi nahin hai.

Camera performance: Realme U1 ka front camera kaafi achha hai, lekin 13+2 MP ke dual rear cameras yahaan par aapko satisfying performance nahin dete hain. Kuch samay pehle Xiaomi dwara launch huye Redmi Note 6 Pro ka rear camera performance, Realme U1 ke comparison mein better hai.

Notification LED light: Realme U1 mein aapko dewdrop notch di gayi hai, lekin is handset mein iski wajah se notification LED light ko remove kar diya gaya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: