Geekbench Par Aaya Vivo V15 Pro, Saath Mein Launch Hoga Ek Aur Smartphone

Vivo, 20th February ko India mein apna naya smartphone launch karne waali hai, jismein aapko pop-up selfie camera dekhne ko milega. Is smartphone ko Vivo V11 Pro ka successor, V15 Pro bataaya jaa raha hai aur aaj is handset ka Geekbench score bhi saamne aaya hai, jahaan se ye bhi pata chalta hai ki V15 Pro mein Snapdragon 675 chipset hoga aur ye Android 9.0 Pie OS par chalega.

Last week Thailand ki certification authority NBTC ne Vivo 1818 smartphone ko approve kiya tha aur saath hi reveal bhi kiya gaya ki ye smartphone Vivo V15 Pro ke naam se market mein launch kiya jayega. Is same model number ke handset ko EEC se bhi approval mil chuka hai aur aaj ise Geekbench par scoring ke dauraan dekha gaya. Geekbench score aap upar di gayi image mein dekh sakte hain.

Is image mein aap dekh sakte hain ki phone mein jo processor hoga wo sm6150 hai aur ye Snapdragon 675 chipset ka codename hai. Iske alawa Vivo 1818 mein 6GB ki RAM hogi. Iske alawa Geekbench single-core score 2382 hai, jabki multi-core score 6479 hai.

Iske alawa popular retailer Mahesh Telecom ne Twitter handle par ek image leak ki hai, jismein V15 Pro ke saath ek non-pro model yaani ki Vivo V15 bhi nazar aa raha hai. Is Twitter post ko aap neeche dekh sakte hain jismein likha hai ki “Coming soon #VivoV15 #VivoV15Pro, 32MP POP-UP SELFIE #GOPOP”. Saath hi is smartphone mein in-display fingerprint scanner aayega.

Iske alawa iske color options mein blue aur black color shaamil hai. Well, 20th February ko ye smartphone launch hone waala hai aur expected hai ki iska cheaper version Vivo V15 bhi saath launch hoga. Inke specs aur prices launch ke samay hum aapko zaroor bataayenge, tab tak ke liye stay tuned.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: