Geekbench Listings Se Leak Huye Realme C3 ke Key Specs

Realme C3 February 6 ko India mein launch hone waala hai. Company ne Twitter par iske teasers bhi share kiye hain. Iske alawa Realme Mobiles ne Flipkart par bhi is smartphone ka landing page load kiya hai. Teasers ne bhi Realme C3 ke kuch specs confirm kiye hain aur aaj ye phone Geekbench benchmarking site par spot kiya gaya jahaan iske kuch aur specs reveal huye hain.

Geekbench listing ke according ye phone RMX2027 model number ke saath nazar aaya. Saath hi is budget phone ko power dene ke liye ismein Octa Core MediaTek Helio G70 chipset diya jayega, jiski clock speed 1.70 GHz hogi.

Saath hi ye bhi confirm hua hai ki latest Realme UI jo ki Android 10 OS par based hai ke saath aane waala ye first phone hoga. Ab iske Geekbench score ki baat karein to iska single core score 347 hai aur multi core score 1253 points hai.

Kuch aur specs bhi confirm hi chuke hain. Realme C3 6.5 inch ki display ke saath aayega aur iska screen to body ratio 89.8% hoga. Iske alawa teasers se ye bhi confirm hai ki ismein waterdrop notch hoga aur rear panel apr aapko dual rear cameras milenge jinmein primary sensor 12MP ka hoga. Is handset ki battery bhi other C-series phones ki tarah 5000mAh ki hi hogi. Iske alawa ismein aapko 3GB aur 4GB ke RAM options aur 32GB aur 64GB ke storage options milne ki ummid hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: