Geekbench List Par Saamne Aayi Honor V20 Ki Details Aur Specifications, 48MP Camera Ke Saath Ho Sakta Hai Launch

Huawei ke sub-brand Honor ki taraf se 26 December ko ek smartphone launch hone wala hai. Lekin iss launch se pehle hi Honor V20 smartphone ki leaks aana shuru ho gayi hai. Kuch samay pehle aayi leaks mein iss phone ke camera ki charcha ho rahi thi. Wahin haal hi mein saamne aayi leaks mein yeh phone Geekbench list par dekha gaya hai. Maana jaa raha hai ki yeh phone flagship specifications ke saath saath budget friendly bhi ho skata hai.

Expect kiya jaa raha hai ki yeh phone  HiSilicon Kirin 980 Soc processor ke launch kiya jaa sakta hai. Geekbench list par iss phone ka model number PCT-AL10 bataya gaya hai. Is listing ke according iss phone ke single core aur multi core scores 3261 aur 9792 bataye gaye hai. Issi ke saath expect kiya jaa raha hai ki yeh phone Android 9.0 Pie OS ke saath launch kiya jaa sakta hai. Ismein aapko 8GB RAM mil sakti hai.

Iske alawa phone ke camera ki baat karein to expect kiya jaa raha hai ki Honor V20 is company ka 48MP rear camera ke saath launch hone wala first smartphone ho sakta hai aur ye 25MP ke front camera ke saath market mein aa sakta hai. Phone ke display ki baat ki jaaye to maana jaa raha hai ki yeh phone 6.4 inch ke IPS LCD screen ke saath aa sakta hai jo ki Nova 4 phone mein bhi di gayi hai.

Inn sabhi specifications ke saath hi, agar aap upar di gayi teaser image par nazar daalein to, Honor V20 mein  yeh expect kiya jaa raha hai ki yeh phone 4000mAh ki battery ke saath launch kiya jaa sakta hai jo ki 22.5W ki charging ko support karega. Saath hi yeh phone triple rear camera setup ke saath launch kiya jaa sakta hai jo ki TOF ko support karega. Phone ki price aur availability ko le kar abhi tak koyi update saamne nahi aayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: