Geekbench List Par Saamne Aaye Samsung Galaxy A90 Aur Samsung Galaxy Note10 Ke Specs

Samsung ne abhi tak apne A series mein total 8 phones launch kiye hain, jismein Samsung Galaxy A10, A20, A30, A40, A50, A60, A70 aur A80 phones shaamil hain. . Samsung Galaxy A80 iss series ka sabse powerful smartphone hain, jismein unique rotating camera mechanism aur Snapdragon 730G processor milta hai. Samsung Galaxy A80 next week India mein launch hone wala hai. Lekin ab isi series ek naye smartphone Galaxy A90 ko Geekbench par spot kiya gaya hai, jahaan se iske specs reveal huye hain.

Kyunki dono phones ke model number leak ho chuke hain, to ek possibility ye bhi hai ki, ye Geekbench scores fake kiye gaye hon.

Image Credit : mysmartprice.com

Geekbench reports mein phone ke kuch specs saamne aaye hain, jisse expect kiya jaa sakta hai ki yeh phone Galaxy A80 ke comparison mein jyada powerful phone sabit ho sakta hai. Iss phone ka model number SM-A9050 bataya jaa raha hai. Saath hi yeh bhi mention kiya gaya hai ki yeh phone 6GB RAM ke saath launch kiya jaa sakta hai. Phone ka single core score aur multi core score bhi list mein show ho raha hai. Single core 2504 value aur multi core value 6768 dikhai de rahi hai. Iske alawa iss phone mein Snapdragon 675 processor dekhne ko mil sakta hai.

 

 

Image Credit : mysmartprice.com

 

Image Credit : mysmartprice.com

 

Iske alawa Samsung Galaxy Note 10 ki rumors bhi iss samay high peak par hain, jismein bataya jaa raha hai ki company ise August 2019 mein launch kar sakti hai. Samsung Galaxy Note 10 ki leaks specs Geekbench list ke through humare saamne aaye hain. Geekbench list ki according company Note 10 ko 5G variant mein bhi launch karegi. Iss phone ke 2 model number  SM-N976B  aur SM-N976V list mein mention kiye gaye hain. List ki according 5G variant 12GB RAM aur Exynos 9825 ke saath aur regular variant 8GB RAM aur Exynos 9820 chipset ke saath launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: