Geekbench List Par Saamne Aaye Nokia 7.2 Smartphone Ke Specs

Nokia 6.2 aur Nokia 7.2 ke launch se judi jaankari kal hi humne aapko di thi. Aaj Nokia 7.2 smartphone ke Geekbench reports humare saamne aayi hain, jismein phone ke kuch specs ko reveal kiya gaya hai. Company iss phone ko Berlin mein hone wale IFA 2019 event mein announce kar sakti hai. Aapko bata dein ki HMD Global first time IFA event mein participate kar rahi hai.

Geekbench report mein Nokia 7.2 ke single core aur multi core results ko mention kiya gaya hai. Phone ke single core score ki value 1604 aur multi core value 5821 hai. Iss phone ke motherboard ko “Daredevil”  naam diya gaya hai, jo ki iska code name hai. Mention ki gayi listing ki according iss phone mein 6GB RAM dekhne ko mil sakti hai. Saath hi phone mein Qualcomm Octa-core Snapdragon processor diya jaa sakta hai, jiski base frequency 1.84GHz hogi. Phone ki base frequency ko dekhte huye ummid ki jaa rahi hai ki iss phone mein Snapdragon 660 processor dekhne ko mil sakta hai.

Expect kiya jaa raha hai ki, iss phone mein 6.2 inch ki full HD+ display mil sakti hai. Saath hi leak images mein phone ki display dot notch ke saath dekhi gayi hai. Iske alawa phone mein triple rear camera setup diya jaa sakta hai, jismein primary camera 48MP ka mil sakta hai. Phone mein secondary camera 120° ultra wide angle lens ke saath diya jaa sakta hai. Leak images mein phone ka camera module circular dikhai de raha hai. Iske alawa yeh phone 3500mAh ki battery ke saath aa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: