Geekbench List Par Dikhai Diya Vivo Ka Ek Aur Smartphone, Vivo 1951 Model Number Ke Saath

Ek taraf  jahaan company Vivo Z1 Pro ko India mein launch karne ki taiyari mein lagi huyi hai wahin dusri taraf Vivo ke ek aur phone ke leaks aana shuru gaye hain. Iss phone ki jaankari Geekbench list ke through saamne aayi hai, jismein iss phone ke score, RAM, chipset aur model number ko disclose kiya gaya hai.

Geekbench par iss phone ka model Vivo 1951 bataya gaya hai, Phone ke single core test ki value 1907 aur multi core test ki value 5974 dekhi jaa sakti hai. Saath hi yeh bhi mention kiya gaya hai ki yeh phone Snapdragon 710 chipset aur 6GB RAM ke saath aa sakta hai. Iss Benchmark list ko sabse pehle Nashville Chatter ke though report kiya gaya hai. Inn sabhi specs ke alawa Vivo 1951 mein Android 9 Pie operting system dekhne ko mil sakta hai. Iske alawa yeh bhi bataya jaa raha hai ki Vivo 1951 aur Vivo V1913A, yeh dono device same ho sakti hai. Vivo V1913A  ko China mein 3C certification mil chuka hai.

 

Nashville Chatter ki according, Vivo 1951 ko India mein BIS certification mil chuka hai. Maana jaa raha hai ki Vivo 1951 Vivo 1913A ka hi Indian version ho sakta hai. Vivo 1913A ko kuch samay pehle TENNA website par dekha gaya tha. TENNA par listed specs ki according iss phone mein 6.38 inch ki AMOLED display waterdrop notch ke saath dekhne ko mil sakti hai. Iske alawa iss phone mein 4GB aur 6GB RAM option bhi diye jaa sakte hain. Vivo 1913A mein triple rear camera diya jaa sakta hai jo ki 16MP+8MP+2MP ka ho sakta hai. Saath hi company iss phone mein 4490mAh ki battery de sakti hai.

 

Well, abhi tak inn dono hi phones ke launch ke baare mein company ne koi jaankari nahi di hai. Expect kiya jaa raha hai ki company pehle China mein Vivo 1913A model number wale phone ko launch kar sakti hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: