Gaming Smartphone Razer Phone 2, QHD UltraMotion Display Aur 8GB RAM Ke Saath Announce Hua

Razer ne aaj apna second generation gaming smartphone, Razer Phone 2 announce kar diya hai. Is baar bhi is flagship smartphone ko enhanced gaming experience dene ke liye hi design kiya gaya hai.  Razer Phone 2 Mirror aur Satin versions mein launch hua hai aur iska price hai USD 799 (approx. 60,000 INR).

Razer Phone 2 gamers ke liye best display diya gaya hai. Ismein 5.72 inch ki Quad HD IGZO LCD UltraMotion display hai aur is par Corning Gorilla Glass 5 protection bhi moujood hai. Performance ke maamle mein bhi ye aapko koi shikayat nahin dega kyunki ismein Snapdragon 845 processor, 2.8 GHz ki clock speed ke saath diya gaya hai aur saath hi Vapor Chamber Cooling technology bhi hai, jo handset ko heating issue se bachaati hai.

Razer Phone 2 mein 12 MP ke dual rear cameras hain jo dual tone LED flash light, f/1.75 wide angle lens aur dual PDAF ke saath aate hain. Iska frontal sensor 8 MP ka hai. Saath hi ismein 4000mAh ki battery, Qualcomm Quick Charge 4+ fast charging aur wireless charging support ke saath milti hai.

Iske alawa ismein bhi Samsung ke haal hi mein aaye phones ki tarah, side-mounted fingerprint sensor moujood hai. Razer Phone 2 water resistant bhi hai aur amazing audio experience ke liye ismein dual amplifiers ke saath front facing stereo speakers, Dolby Atmos support aur 24-bit DAC Audio Adapter hai.

Is handset mein 8GB ki LPDDR4x RAM aur 64GB ki internal memory hai. Saath hi microSD card slot se aap memory ko 2TB tak aur bhi badha sakte hain.

Agar aap display, audio output aur chipset ka combination dekhein, to ye handset completely best gaming experience ke liye design kiya gaya hai. Lekin India mein abhi tak Razer ka koi bhi nahin aaya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: