Gaming Lovers Ke Liye Xiaomi Ke In Phones Mein MIUI Aayega Game Turbo Mode

Affordable price par milne waale phones mein ab Xiaomi Game Turbo Mode dene waala hai. Company confirm kar chuki hai ki Redmi Note 7 Pro mein bhi MIUI Update ke through Game Turbo mode aayega, jisse gaming performance bhi increase hogi, saath hi kuch naye gaming features bhi add honge.

Xiaomi ki sub-brand Redmi ke Weibo account par ye post share ki gayi hai ki Redmi Note 7 Pro ko June 18 se MIUI Update mila hai, jismein Game Turbo mode moujood hai. Lekin ye update abhi sirf China mein available hai, India mein aana iska baaki hai.

Saath hi Redmi President Lu Weibing ne bhi ye confirm kiya hai ki is update se gaming properties bhi behtar hongi, jaise ki brightness, touch sensitivity aur ye CPU aur GPU ki performance ko boost karke aapko ek achha gaming experience dega.

Ye naya Game Turbo mode, MIUI Update ke through is waqt Poco F1 aur China mein Redmi Note 7 Pro par available hai. Saath hi haal hi mein launch introduce Redmi K20 Pro mein iska updated version Game Turbo 2.0 available hoga.

Hopefullu India mein bhi company jaldi hi is update ko rollout karegi aur iski khabar milte hi hum aapko zaroor update karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: