Galaxy A40 & Galaxy A60 Bhi Announce Huye: Price, Specs & More

Samsung ne apni Galaxy A-series ko expand karte huye, usmein aap two new smartphones launch kiye hain. Company ne China mein Galaxy A40 aur A60 ko unveil kar diya hai. Inmein Galaxy A60 Infinity-O display ke saath aayegi, yaani ki ismein punch-hole selfie camera hoga. Wahin Galaxy A40 mein Infinity-U display moujood hogi.

Galaxy A60

Samsung Galaxy A60 mein 6.3-inch ki full HD+ Infinity-O display hai aur ye Snapdragon 675 chipset ke saath pair kiya gaya hai. Ismein 6GB ki RAM ke saath 64GB aur 128GB ki internal memory options diye gaye hain.

Camera section mein, is smartphone mein mein bhi Galaxy A70 ki hi tarah triple rear cameras hain, 32MP ka primary camera, 8 MP ka wide angle lens aur 5 MP ka depth focus sensor. Iske alawa yahaan bhi aapko 32 MP ka hi selfie camera milta hai. Saath hi is smartphone mein bhi company ne 4500mAh ki battery, 25W fast charging support ke saath di hai.

Galaxy A40

Ab baat karte hain, Galaxy A40 ki, Samsung Galaxy A40 mein 6.4 inch ki Infinity-U display hai aur power den eke liye yahaan Exynos 7904 chipset diya gaya hai. Ismein bhi company ne triple rear sensors hi diye hain, jinmein 13 MP ka primary camera, 5 MP ka super wide angle lens aur 5 MP ka ToF camera moujood hai.

Galaxy A40 mein company ne massive 5000mAh ki battery add ki hai, jo ki 15W fast charging ke saath aapko milne waali hai.

Ab pricing ki baat karein to, Galaxy A40 mein 6GB RAM ke saath 64GB inbuilt storage hai aur iska price 1499 yuan (approx. 15,600 INR) hai. Wahin Galaxy A60 mein 6GB+128GB storage options ka price 1999 yuan (approx. 21,000 INR) rakha gaya hai. Lekin in dono smartphones ke India launch ko lekar abhi koi information nahin hai. Wahin company ja;ldi hi India mein Galaxy A80 ko launch kar sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: