Galaxy A20, Attractive Price, Infinity-V Display Aur 4000mAh Battery Ke Saath India Mein Launch Hua

Galaxy A10, A30 aur A50 ko launch karne kebaad, aaj Samsung ne India mein Galaxy A20 ko bhi announce kar diya hai. Is affordable smartphone ko Red, Blue aur Black color options mein yahaan launch kiya gaya hai, jo ki leading online aur offline retail stores par 8th April se available hoga.

Ab badhte hain specs ki taraf, Galaxy A20 mein 6.4 inch ki HD+ Super AMOLED Infinity-V display hai aur ye Octa Core Exynos 7884 processor apr chalta hai. Iske dual cores ki clock speed 1.6 GHz aur other hexa cores ki clock speed 1.35 GHz hai. Is handset mein 3GB ki RAM aur 32GB ki inbuilt memory hai, jise microSD card ke saath 512GB tak expand kiya jaa sakta hai.

Galaxy A20 mein bhi dual rear cameras hain, jismein 13 MP ka primary rear camera LED flash light aur f/1.9 aperture ke saath diya gaya hai, jabki other 5 MP ka sensor 123 degree ultra wide angle lens ke saath aata hai. Iske alawa selfie lovers ke liye yahaan 8 MP ka snapper f/2.0 aperture ke saath fit kiya gaya hai.

Waterdrop notch ke saath aane waale is smartphone mein aapko rear mounted fingerprint scanner milta hai. Saath hi yahaan 15W fast charging ke saath 4000mAh ki non removable battery milti hai. Is dual SIM based smartphone mein, dual 4G VoLTE, Wi-Fi 802.11 b/g/n, Bluetooth 5, GPS + GLONASS aur 3.5mm audio jack jaise connectivity options milte hain.

Galaxy A20 mein Android 9.0 Pie OS ke saath One UI interface bhi diya gaya hai. Pricing details ki baat karein to, is handset ki kimat 12,490 INR hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: