Future Mein Increase Ho Sakti Hai, Xiaomi Smartphones Ki Price

Xiaomi ne smartphones industry mein apne kadam good quality aur less price ke saath kaafi jaldi jama liye the. Affordable price mein baaki companies ke mukaable mein Xiaomi ne apne customers ko kaafi acha hardware provide kiya hai. Lekin aaj yeh company apne low prices products ki wajah se hi apni reputation kam karti jaa rahi hai. Issi ke chalte company ke CEO Lei Jun ne kaha hai ki company apne aane wale phones ki price ko raise kar sakti hai.

20th February ko Xiaomi ne apne flagship smartphone Mi 9 ko launch kiya hai. Iss phone ki starting price CNY 2,999 hai wahin iske top variant ki keemat CNY 3,999 hai. Seedhe shabdon mein kaha jaaye to company ke jyadatar smartphones CNY 2,000 ke andar hi launch kiye jaate hain. Company ke CEO ne kaha ki wah future mein launch kiye jaane wale smartphones ki price ko CNY 2,000 ke upar hi rakhegi. Jahan unn sabhi smartphones mein aur bhi behtar quality ka hardware use kiya jaayega.

 

Xiaomi ke product director Wang Teng Thomas ne bhi iss baat ki taraf ishara karte huye kaha ki Redmi series smartphones ke baad company ab jaldi kisi bhi low price smartphone ko market mein nahi utaaregi. Xiaomi apne hardware up-gradation ke saath price ko bhi raise karega. Haanlaki price ko bahut jyada bhi nahi bhadaya jaaega. Xiaomi ke flagship smartphone Mi 9 mein latest chipset Snapdragon 855 ko use kiya gaya hai saath hi yeh phone triple rear camera ke saath aata hai. Aaj top 10 Antutu benchmark score karne wale smartphone ki list mein yeh phone top scorer raha hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: