Four Rear Cameras Ke Saath Launch Hua Samsung Ka Galaxy A9 (2018); Specs, Price And More

Camera ki race badhti hi jaa rahi hai, aur leading tech maker, Samsung bhi is race mein badh chadhkar hissa le raha hai. Aaj Samsung ne market mein apna latest smartphone Galaxy A9 (2018) launch kiya hai, jismein four rear cameras hai. Ye smartphone attractive Blue, Pink aur Black color options mein launch hoga.

Galaxy A9 (2018) mein 24 MP ka primary rear camera hai jo f/1.7 aperture, LED flash light ke saath aayega, second rear camera 10 MP ka wide angle lens camera hai, third 8 MP 120 degree ultra wide angle lens camera hai aur fourth camera 5 MP resolution aur f/2.2 aperture ke saath diya gaya hai, jo depth focusing ke liye hai.

Iske alawa ismein 24 MP ka front facing camera bhi f/2.0 aperture ke saath moujood hai. Galaxy A9 (2018) mein Octa Core Qualcomm Snapdragon 710 chipset diya gaya hai, jiske four Kryo cores ki clock speed 1.7 GHz hai aur other four Kryo cores, 2.2 GHz ki clock speed ke saath diye gaye hain. Saath hi Adreno 616 GPU bhi hai.

Galaxy A9 (2018) mein aapko 6.3 inch ki full HD+ super AMOLED Infinity display milti hai. Yahaan aapko 6GB aur 8GB RAM options ke saath 128GB native storage milti hai. Is mid-range smartphone ki battery capacity 3800mAh hai jo adaptive fast charging support ke saath aayegi.

Is handset mein dual nano SIM slots aur one dedicated microSD card slot milta hai jo 512GB tak ka memory card accept karta hai. Is smartphone mein Android 8.0 Oreo software diya gaya hai aur rear mounted fingerprint scanner bhi hai.

Galaxy A9 (2018) ki kimat Europe mein 599 Euros (lagbhag51,000 INR), Russia mein 39990 Rubles (approx. 44,500 INR) aur UK mein £549 (approx. 54,000 INR) hai. In sabhi countries mein ye November se sale ke liye available hai, lekin India mein ye ka tak aata hai, ye kaha nahin jaa sakta.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: