Four More Shots Please : Feminism Ko Strong Dikhane Mein Kitna Safal Huyi Hai Yeh Web Series

Bhadte huye web series ke trend mein Amazon Prime Video par haal hi mein ek nayi series ko release kiya  gaya hai, jiska naam hai Four More Shots Please! Women empowerment ko darshati yeh web series 4 ladies ki kahaani hai. Wahin series present time mein ho rahe humare samaaj ke bhadlav ko bhi dikhati hai. Iss web series ko dekhne ka har kisi ka nazariya alag alag ho sakta hai. Yeh web series ek woman ke life mein aane wale challenges ko dikhane mein bhi safal huyi hai. Wahin iss series mein women ko comparatively weak bhi dikhaya gaya hai jo ki aapko thoda unbalance lag sakta hai.

 

Shuruaat karein iss series ki to initially yeh series ek rock music type theme song se shuru hoti hai jahan yeh charon ladies dance enjoy karti nazar aati hai. Jiske baad seedhe aapko ek bar restaurant ka scene dikhta hai. Series mein inn ladies ko extremely alcoholic dikhane ki poori koshish ki gayi hai, jo feminism par galat impact daalti hai. Aisa hi kuch iss series ka title bhi jaahir karta hai.

 

Particularly baat karein to charon ladies mein ek single mother hai jo ek lawyer hai, ek journalist hai jo ki freely apni website run karti hai, ek bisexual gym trainer aur chubby gujju girl hai jahan uski mom uski body ko le kar hamesha taunt maarti hain, sirf isliye taaki uski shadi ek rich family mein ho sake.

 

Damini jo ki ek web site builder hai, wah ek restaurant mein bethi hoti hai, jahan 2 other girls usi website ke baare mein kuch baatein kar rahi hoti hain. Unki conversation ko interrupt karte huye Damini unse kehti hai ki tumare jaisi audience ki wajah se aisi rubbish topic media ko dene padte hai. Jo ki kisi ki personal life ko bhi effect karte hain. Jiske chalte iss web site ka over take kisi or ko de diya jaata hai. Issi beech web site par publish huye kisi article ki wajah se hi Damini ka court mein ek case chalta hai, jiske liye lawyer uski friend Anjana hoti hai.

 

Wahin Siddhi ki mom uska rishta ek baar fir se toot jaane ke ke liye tount kasti huyi nazar aati hai. Iske opposite uske father use support karte hain aur kahte hain ki jab tak tum nahi chahogi tumari shadi nahi ki jaaegi. Isi ke saath Umang jo ki ek gym trainer hai, wah apni gym job se resign kar deti hai. Alag alag tarah se hi lekin charon ladies apni life ko single spend kar rahi hain. Jahan iss series ke aage bhadte huye unhe apne life partner milte to hain lekin at last ya to woh inn ladies ko ditch kar dete hain ya fir unke saath life spend karne mein comfortable feel nahi kar paate hain.

 

Umang jo ki ek bisexual gym trainer use bollywood actress samara kapoor se attachment ho jaata hai. Iske alawa Damini jo journalist hai use us bar owner se pyar ho jaata hai jis bar mein wah har roj party karne jaati hain. Anjana ko apne hi office mein kaam karne wale ek intern boy se affection hone lagta hai jo ki age mein us se kam hai. Wahin Siddhi ki mom jis boy ko uske liye choose karti hai, Siddhi use pasand bhi karti hai lekin baad mein pata chalta hai ki wah boy bisexual hai. Jiski wajah se uski mom use fir se taunt marti hai.

 

At last sabhi ladies apni life ke worst situation ko face karti hai. Jahan extremely alcoholic hone ki wajah se Anjana apni beti Arya se dur hona padta hai. Damini jis bar owner se pyar karti hai, uski girlfriend wapas aane ki wajah se Jeh( Bar Owner) bhi use except nahi kar pata hai. Wahin samara kapoor bhi Umang se apne relation ko media mein aane ki wajah se khatam kar deti hai.

 

Yeh series aapko kaafi kuch last year release huyi bollywood movie “Veere Di Wedding” ki yaad dila sakti hai. Lekin aapko uss movie ki ek happy ending dekhne ko milti hai jo ki iss series mein nahi hai. Movie ke title se hat kar dekha jaaye to series ke main point ko banaye rakhne mein makers succesful hote nazar nahi aaye hain. Haanlanki series ko dekhne mein aapko jara bhi boredom feel nahi hoga. Total 10 episodes mein bani yeh series aapke attention ko shuru se le kar aakhiri tak banaye rakhti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: