Former Prime Minister Dr. Manmohan Singh Ke Jeevan Ko Darshaati Film ‘The Accidental Prime Minister’ Ka Trailer Release: Kisi Ne Kaha Political Stunt, To Kisi Ne BJP Propaganda

Political commentator Sanjaya Baru dwara likhi gayi biographical book The Accidental Prime Minister par based aane wali movie The Accidental Prime Minister ka trailer kal release ho chuka hai. Jo ki abhi tak Youtube ki trending list mein top par bana hua hai. Yeh book aur movie dono hi humare Former Prime Minister Dr. Manmohan ki political biography par based hai. Jahan unke political life mein kya kya issues huye hain, wah bataya gaya hai.

Movie ko direct kiya hai Vijay Ratnakar Gutte ne aur produce kiya hai Sunil Bohara aur Dhaval Jayantilal Gada ne. Film ke lead role mein aapko nazar aaenge Anupam Kher (Dr. Manmohan Singh), Akshay Khanna (Sanjaya Baru), Suzanne Bernet (Sonia Gandhi), Aahana Kumra (Priyanka Gandhi), Arjun Mathur (Rahul Gandhi).

Movie ki trailer ki shuruaat Akshay Khanna (Sanjaya Baru) ki commentry se hoti hai jahan wah Prime Minister ka comparison Mahabharat ke Bhism se karte hain, Jahan unka use ek political party kar rahi hai. Iss scene ke baad party ke sabhi lead characters ke face ek ek kar ke reveal kiye jaate hain. Jiske baad finally Suzanne Bernet (Sonia Gandhi) Prime Minter pad ke liye Dr. Manmohan Singh ka naam  announce karti huyi nazar aati hai. Jiske baad Anupam Kher ( Dr. Manmohan Singh) Prime Minister pad ki shapath (Oath) lete huye nazar aate hai.

Iss scene ke baad Prime Minister ko Nuclear deal ke decision ke baare mein baat karte huye dikhaya gaya hai. Jahan aisa lagata hai ki wah kisi pressure ki wajah se sahi decision nahi le paa rahe hai. Jiske baad unhe Kashmir issue par bhi baat karte huye dekha jata hai. Yahan Akhsay Khanna (Sanjaya Baru) commentary ke through yeh batate hain ki yeh poora pressure Arjun Mathur (Rahul Gandhi) ko Prime Minister banane ke liye dala jaa raha tha. Iske baad Prime Minister resign ke liye kahte hain, jahan unhe politics mein ho rahe corruption ki wajah se resign karne se mana kar diya jaata hai.

Movie ke trailer ko dekhte huye yeh kehna galat nahi hoga ki yeh movie Dr. Manmohan Singh par lagaye gaye allegation ko saaf aur sahi tarike se dikhane ke liye banayi gayi hai. Jahan yeh bataya gaya hai ki unhone yeh sabhi decisions under pressure liye the.

Haal hi mein kuch states ke election khatam huye hain. Jiske baad iss trailer ko release kiya gaya hai. Jisse ki kisi bhi tarah ki controversy ya paresaani na ho. Yeh Movie next month Republic Day se pehle 11th January ko release ki jaa rahi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: