Amazon Prime Membership Se Compete Karne Ke Liye, Flipkart Bhi Launch Kar Raha Hai Flipkart Plus

India mein is samay kaafi online shopping portals hain, lekin agar top e-commerce sites ki baat karein to kewal Amazon aur Flipkart ke naam hi chune jaayenge, jo aapko amazing discounts, on-time deliveries aur great sale jaise kayi offers dete hain. Lekin pichle saal aaya Amazon ka amazon prime, apne prime membership lene waale customers ko aur bhi kaafi extra offers provide karta hai, jismein Prime videos, prime music aur free delivery jaise interesting offers ka subscription aapko milta hai.

Lekin ab customers ko apni taraf attract karne ke liye Flipkart bhi Amazon Prime ki hi tarah, ‘Flipkart Plus’ launch karne jaa raha hai. Company ne ye bhi announce kar diya hai ki ‘Flipkart Plus’ service ko Independence Day yaani ki 15th August ko launch kiya jayega.

Amazon Prime ki membership lene ke liye aapko 999 INR ka charge yearly dena hota hai, lekin Flipkart aapko ‘Flipkart Plus’ ki membership free mein offer kar raha hai, yaani ki ‘no-fee membership’. Iske alawa company ke according ‘Flipkart Plus’ ki membership lene waale consumers ko ‘Big Billion Days’ aur ‘big Festive Season Sales’ jaisi sales ka early access milega, free aur fast delivery bhi milegi aur saath hi every order ke saath kuch ‘Plus Coins’ bhi milenge jinhein aap aage shopping mein use kar sakte hain.

Iske alawa ‘Flipkart Plus’ mein, jo log regular shopping karte hain, unke liye attractive deals bhi hongi.

Halaanki ‘Flipkart Plus’ service ke saath company seedhe ‘Amazon Prime’ se compete karne ki koshish kar rahi hai, lekin ye itna easy competition bhi nahin hone wala kyonki Prime membership ke saath fast aur free deliveries, early access to sales jaise offers ke saath, yahaan aapko Prime videos aur Prime music ka subscription bhi milta hai.

Well, ye to Flipkart Plus ke launch ke baad bhi pata chalega ki ye kitna successful hota hai aur kis tarah Amazon Prime ko compete karta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: