Flipkart Teaser Mein Confirm Huye Realme 5s Ke Ye Key Specifications

Ye to hum sabhi jaante hain ki Realme X2 Pro ke saath hi company budget phone Realme 5s ko bhi November 20 ko India mein launch karne waali hai. Ye ek Flipkart exclusive smartphone hoga aur haal hi mein Flipkart par aaye teaser ke through is handset ke kuch specs bhi confirm huye hain, jinhein hum aapke saath is article mein share karne waale hain.

Abhi tak is handset se jude rumors hi aaye the, lekin aaj Flipkart ke through ye confirm ho chuka hai ki Realme 5s ko power dene ke liye company ismein Qualcomm Snapdragon 665 chipset dene waali hai. Saath hi is entry level device mein aapko huge battery capacity bhi dekhne ko milegi. Ji haan, Realme 5s mein 5,000mAh ki battery aayegi.

Well, kuch specs saamne aane ke baad ye saaf hai ki Realme 5s, Realme 5 ka upgraded version hoga aur last month India mein launch huye Redmi Note 8 ka strong competitor bhi. Saath hi ismein bhi aapko 48MP quad rear camera setup milne waala hai.

Expect kiya jaa raha hai ki Realme 5s mein 3GB / 4GB RAM options saamne aayenge. Iske price ko lekar jo details saamne aayi hain, unke according ye India mein 8,999 INR ke price se start ho sakta hai.

Is budget phone ke saath announce hone waale flagship phone mein aapko Snapdragon 855 Plus chipset, full HD+ display aur 50W SuperVOOC flash charge fast charging support milne waala hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: