Flipkart Par Reveal Huye Lenovo K10 Note Aur Lenovo A6 Note Smartphones Ke Specs

Lenovo iss month India mein apne teen smartphones Lenovo Z6 Pro, Lenovo K10 Note aur Lenovo A6 Note ko launch karne wala hai. Lenovo Z6 Pro ke specs se judi jaankar China launch ke dauraan already humare saamne aa chuki hai. Lekin Lenovo K10 Note aur A6 Note ke baare mein jayada jaankari abhi tak saamne nahi aa paayi thi. Lekin aaj Flipkart listing ke through inn phones ke specs ke baare mein kaafi kuch pata lag chuka hai.

Lenovo A6 Note Specifications 

Flipkart par show kiye gaye page mein bataya gaya hai ki, Lenovo A6 Note mein 4000mAh ki battery milegi. Saath hi yeh phone rear mounted finger print scanner aur face unlock security ke saath aayega. Company ki according phone ki battery two days ki battery life ke saath aayegi, jismein 10W fast charging ka support milega. Iske alawa yeh bhi mention kiya gaya hai ki phone ki display 6.09 inch ki HD+ dewdrop notch ke saath di jaayegi. Phone ka screen to body ratio 88% dekhne ko milega. Phone ke look se yeh clear hai ki ismein dual rear camera setup diya gaya hai. Phone se liye gaye kuch photos ko bhi website par post kiya gaya hai. Inhe aap neeche dekh sakte hain.

 

 

Website par yeh bhi mention kiya gaya hai ki yeh camera setup 13MP+2MP ka hoga. Phone ke rear camera se aap 1080 Pixel quality ki video capture kar sakte hain. Iske alawa iss phone mein 5MP ka front facing AI beauty camera diya jaayega. Lenovo A6 Note mein company MediaTek P22 chipset ka use kar rahi hai. Inn sabhi details ke alawa phone mein triple card slot aapko milega, jismein aap do micro sim aur ek microSD card ko insert kar use kar sakte hai. Yeh phone 256GB tak ke microSD card ko support kar sakta hai.

 

Lenovo K10 Note Specifications 

Inn donon phones ke beech agar dekha jaaye to Lenovo K10 Note jyada behtar specs aur features ke saath dikhai de raha hai. Flipkart par list gaye specs ki according, iss phone mein company Qualcomm Snapdragon 710 chipset ka use kar rahi hai. Saath hi phone ke saath Born To Play tag line ko highlight kiya jaa raha hai. Iss se expect kiya jaa sakta hai ki, yeh ek game centric phone hoga. Iss phone mein humein 6.3 inch ki FHD+ dew drop notch screen milne wali hai.

Phone ke rear panel par triple rear camera dikhai de raha hai, jismein 16MP+8MP+5MP ka camera setup diya jaa raha hai. Isi ke saath front facing camera bhi 16MP ka milega. Phone ke camera sample image ko aap upar dekh sakte hain.  Inn sab ke alawa phone mein 4050mAh ki battery milne wali hai, jismein aapko 13 Hours ka game play time milega. Phone ke behtar sound output ke liye ismein Dblby Atmos ka support diya jaayega. Iske alawa yeh bhi bataya gaya hai ki, phone ko Stardust Blue aur Knight Black color mein launch kiya jaayega.

 

Inn sabhi specs ko company Flipkart par reveal kar chuki hai. Kal hone wale launch mein, inn phones se jude storage, price aur availability ke baare mein bhi humein jaldi hi pata chal jaayega.

 

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: