Flipkart Par Aaj Se Shuru Huyi I Love Mi Days Sale, POCO F1 Par Mil Raha Hai Heavy Discount

Flipkart aur Xiaomi ne ek saath mil kar iss valentine’s day se pehle ek sale shuru ki hai jise naam diya hai I Love Mi Days Sale. Isse pehle Flipkart par Realme aur ASUS ki sales bhi aa chuki hain. Xiaomi ki yeh sale 11th February matlab aaj se shuru ho chuki hai aur 13th February tak chalegi. Iss sale mein aapko Xiaomi ke smartphones se le kar power bank aur accessories par kaafi ache discount dekhne ko milenge. Iske alawa company exchange par Rs 1,000 ka off bhi de rahi hai. Iss sale mein Xiaomi ke best smartphone Poco F1 ko bhi rakha gaya hai.

 

Iss I Love Mi Days sale mein Xiaomi ki Note series smartphone ko include kiya gaya hai jismein Xiaomi Redmi Note 5 Pro aur Redmi Note 6 Pro include hain. Sale ke duaraan Redmi Note 5 Pro ka 6GB/64GB variant aapko Rs 12,999 mein milega. Jabki iss phone ki launching price Rs 16,999 hai. Matlab aapko iss phone par seedhe Rs 4,000 ka off mil raha hai. Yeh phone Snapdragon 636 processor ke saath aata hai. Saath hi aapko iss phone mein 4000mAh ki battery di gayi hai.

 

Baat karein Redmi Note 6 Pro ki to aapko iss phone ke dono model par off diya jaa raha hai. 4GB/64GB variant iss sale ke dauraan Rs 12,999 ka aur 6GB/64GB variant Rs 14,999 ka milega. Iss phone mein aapko rear aur front dono panel par dual camera set up dekhne ko milta hai. Iske alawa issi series ka next phone jo ki Redmi 6 hai, iss par bhi Rs 2,000 tak ka off milega. Yeh off Redmi 6 ke dono variants par available hai. Jahan Redmi 6 ke 3GB/32GB variant ki discounted price Rs 7,999 rakhi gayi hai aur 3GB/64GB variant ki discounted price Rs 8,499 rakhi gayi hai.

 

Xiaomi ka best phone, Poco F1 ke teeno variants par aapko bhadiya discount diya gaya hai.

              Model                                                       Launch Price                Offer Price

  •     Xiaomi Poco F1 (6GB/64GB)                     Rs 21,999                        Rs 17,999
  •     Xiaomi Poco F1 (6GB/128GB)                   Rs 24,999                       Rs 20,999
  •     Xiaomi Poco F1 (8GB/256GB)                  Rs 30,999                       Rs 24,999

 

Inn sabhi phones ke alawa Xiaomi ka budget smartphone Xiaomi Y2 bhi iss sale mein rakha gaya hai. Iss phone ko exchange offer mein khareedane par aapko Rs 1,000 ka off milega. I Love Mi Days mein Redmi Y2 (3GB/32GB) variant Rs 7,999 mein diya jaa raha hai aur 4GB/64GB variant Rs 9,999 mein diya jaa raha hai.

I Love Mi Days mein aapko Mi TV par acha discount dekhne ko mil raha hai. Mi TV 4 series ke jyadatar model par Rs 3,000 tak off rakha gaya hai. Jahan Mi TV 4A Pro 43″ aapko milegi Rs 22,999 mein aur Mi TV 4A Pro 49″ aapko milegi Rs 30,999 mein milega. Iske alawa Mi TV 4 Pro, Mi LED smart TV 4A, Mi TV 4X Pro bhi iss sale mein shaamil hain.

 

Inn sabhi offers ke alawa I L0ve Mi Days Sale mein Mi earphones, Mi power bank, Mi speakers, Mi Hrx band, smartphones cases aur accessories bhi rakhe gaye hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: