Flipkart Par 6th To 9th February Tak Hogi ‘ASUS OMG Days Sale’: Ye Hain Exciting Offers

Realme aur Xiaomi jaisi leading companies ke baad, ASUS bhi Flipkart par ‘ASUS OMG Days Sale’ lekar aa raha hai. Ye sale kal yaani ki 6th February se start hokar 9th February tak chalegi, jismein ASUS ke last year launch huye sabhi smartphones par aapko discount milega jismein Zenfone 5Z jaise handset bhi shaamil hai, jo ki Snapdragon 845 chipset ke saath last year launch hua tha.

Haal hi mein launch huye Zenfone Max M2 ke dono variants 3GB+32GB aur 4GB+64GB par 1,000 INR ka flat discount hoga aur ASUS OMG Days Sale mein ye 8,999 INR aur 10,999 INR ke price tag ke sath available honge.

Wahin Zenfone Max Pro M1, jo ki last year 5000mAh ki battery aur Snapdragon 636 chipset ke saath launch hua tha, wo bhi is sale ke dauraan 8,499 INR ke starting price ke saath available hoga. Jabki iski launch price 10,999 INR se start hoti hai, yaani ki yahaan bhi aapko sabhi versions apr 1,500 INR ka off milega.

Iske alawa ASUS ke flagship phone Zenfone 5Z par sabse jyada discount milne waala hai. Zenfone 5Z ke three storage options hain, jinmein 6GB+64GB, 6GB+128GB aur 8GB+256GB shaamil hain. In sabhi options par aapko flat 8,000 INR ka discount hai, yaani ki base variant ki kimat ak kewal 21,999 INR hogi.

Zenfone Max Pro M2 ko bhi India mein December 2018 mein three storage options ke saath launch kiya gaya tha, jabki ASUS OMG Days Sale mein iske sabhi versions par 1,000 INR kam kar diye gaye hain aur ab aap inhein 11,999 INR, 13,999 INR aur 15,999 INR ke price par kharid sakenge.

Iske alawa Zenfone Lite L1 par bhi offer hai aur in sabhi handsets par no-cost EMI offer bhi hai. Iske alawa company ke according, daily is sale mein kuch exciting offers honge, jo day-by-day reveal kiya jaayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: