Flipkart Par 19th February Se Shuru Hui Mobile Bonanza Sale, Mil Rahe Hain Attractive Offers

Flipkart par 19th February se Mobiles Bonanza sale shuru ho rahi hai, yeh sale 23rd February tak chalegi. Iss sale ke dauraan aapko kuch bhadiya smartphones par attractive discount dekhne ko milenge. To agar aapne abhi tak apna favourite smartphone nahi khareeda hai, to ho sakta hai ki ye Mobile Bonanza Sale aap hi ke liye hai. Discount ke alawa Axis Bank ke credit aur debit card se payment karne par 10% instant discount ka offer bhi is sale ka hissa hai.

Iss sale mein aapko Asus, Honor, Redmi, Realme, Xiaomi, Oppo, Vivo ke saath aur bhi bahut se brands ke phones dekhne ko milenge. Iske alawa aap iss sale mein Flipkart complete mobile protection plan sirf Rs 99 mein le sakte hain. Inn sabhi offers ke saath no cost EMI aur exchange offer bhi aapke liye yahaan moujood hain.

 

Shuruaat karte hain flagship smartphone offers ke saath, jahan iss list mein sabse pehle naam hai Oppo R17 Pro ka. Iss phone ke 8GB/128GB model ko Rs 49,990 ki price par launch kiya gaya tha. Iss Flipkart Mobiles Bonanza sale mein yeh phone aapko Rs 45,990 ka mil raha hai. Iske alawa exchange offers mein Rs 5,000 ka extra off bhi milega.

LG V30+ iss sale mein aadhi se bhi kam keemat mein mil raha hai, phone ki launching price Rs 60,000 thi, jabki iss sale mein Rs 24,999 ki price par LG ka ye flagship model available hai, Saath hi iss phone ko khareedne par Rs 4,000 ke headset bhi free milega. Iske alawa LG G7 ThinQ par bhi bhadiya discount mil raha hai. Yeh phone Rs 50,000 ki price par launch kiya gaya tha. Iss phone ki sale price Rs 27,999 rakhi gayi hai.

Mid range phone ki baat karein to yahan aapko kaafi ache phones sale ke dauraan dekhne ko milenge. Vivo V11 Pro (6GB) ko aap is sale mein Rs 23,990 ke price par kharid sakte hain. Wahin iska sub variant Vivo V11 ( 6GB) bhi iss sale mein Rs 19,990 ka mil raha hai.

 

Honor 10 Lite aur Honor 9 Lite bhi iss sale mein rakhe gaye hai. Jahan Honor 10 Lite Rs 13,999 ka aur Honor 9 Lite Rs 8,499 ka mil raha hai. Xiaomi ke flagship smartphone POCO F1 ke sabhi variant par acha discount diya gaya hai. Jahan iss phone ka base variant 6GB/64GB Rs 17,999 mein, 6GB/ 128GB variant Rs 20,999 mein milega. Iss phone ke top variant 8GB/256GB ki starting price Rs 24,999 rakhi gayi hai. Samsung Galaxy S8 ko bhi iss sale mein rakha gaya hai. Sale mein yeh phone Rs 30,990 ki price par milega. Iss phone ki regular price Rs 49,990 hai.

 

Budget range phone ki list mein Realme C1 (2GB/16GB) aapko iss sale mein Rs 6,999 ka aur Realme C1 (3GB/32GB) variant Rs 8,499 ka milega. Realme ka second phone Realme 2 Pro ki starting sale price Rs 11,990 rakhi gayi hai. Wahin Honor ka budget phone Honor 9N ( 3GB/32GB) Rs 8,499 mein aur Honor 9N (4GB/64GB) Rs 10,499 mein milega.

 

Asus ne haal hi mein Flipkart ke saath collaboration kiya hai. Iss sale mein Asus ke budget aur midrange phone par bhi acha discount diya gaya hai. Asus Zenfone Max Pro M1 aapko iss sale mein Rs 8,499 mein aur Asus Zenfone Max Pro M2 Rs 11,999 mein mil raha hai. Iske alawa Redmi Note 6 Pro ki starting sale price Rs 12,999 rakhi gayi hai.

Flipkart ki website par abhi iphone ko le kar koi bhi discount price announce nahi ki gayi hai. iphone ke offers ko sale open hone ke baad hi announce kiya jaaega. Iske alawa Samsung Galaxy S10 ka Notify Me banner iss sale page mein include hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: