Flipkart Ne Reveal Kiye 2018 Ke Best Selling Smartphones And Smartphone Brands

Smartphones kin azar se dekha jaaye to, 2018 ek remarkable year raha hai. Ismein aapko kayi tarah ke handsets dekhne ko mile. Vivo, Oppo, LG, Huawei, Honor ki taraf se kayi behtareen smartphones launch kiye gaye, lekin India mein Xiaomi aur uske baad Samsung hi top seller rahe hain.

Ye baat hum yun hi nahin keh rahe hain. Darasal, Flipkart ne aaj un smartphones ke naam reveal kiye hain, jo 2018 mein best selling phones rahe.

Aaiye aapko bataate hain ki Flipkart ke according kaun se smartphone aur smartphone brands, best selling brands / phones hain.

Flipkart ke according, is saal bhi Xiaomi hi top selling brand raha hai. Company ke according, budget smartphones mein Redmi 5A, Redmi 6 aur Realme C1 ki units sabse jyada sale ki gayin.

Iske baad affordable segment mein Flipkart dwara jo best selling handsets rahe, unmein top 3 hain – Redmi Note 5 Pro, Realme 2 aur Zenfone Max Pro M1.

Flipkart ne ye bhi bataaya ki Realme 2 ek aisa handset raha jiski 2 million se jyada units sale hui. Wahin ASUS ke best selling smartphone Zenfone Max Pro M1 ki bhi 1 million se jyada units sale ki gayin hain. Jin brands ne Flipkart par product selling mein 1 million ki ginti ko paar kiya unmein Realme, ASUS aur Honor ka naam shaamil hai.

Iske alawa Flipkart par 2018 mein kayi baar sale aayi hai, aur in sales ke dauraan bhi Xiaomi aur Realme hi top selling brands rahe hain. Agar Flipkart par aayi promotional sales ki baat karein, to inke dauraan jo smartphones sabse jyada customers ke dwara khride gaye hain unmein Redmi 5A, Redmi 6, Redmi Note 5 Pro, Realme 2 aur Realme 2 Pro shaamil hain.

Flipkart ke according, 2018 mein 1.5 million smartphones ki purchasing, new customers ke dwara ki gayi hai, jo ki Flipkart ke total smartphones sales ki kewal 16% hai. Yaani ki 10 million se jyada smartphones India mein is saal kewal Flipkart se kharide gaye hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: