Flipkart Ke Naye Platform 2GUD Se App Kharid Sakte Hain Refurbished Phones, Laptops Aur Other Products

Refurbished tech products ko abhi tak Ebay.in se purchase kiya jaa sakta tha, lekin India mein Ebay ke operations ab band ho chuke hain. Isi ke saath India ki leading e-commerce site Flipkart bhi refurbished goods ki sale mein entry le rahi hai. Iske liye Flipkart ne apna naya platform announce kiya hai, jise naam diya gaya hai 2GUD.

Ab is 2GUD portal se aap refurbished smartphones, laptops aur inse judi accessories purchase kar payenge. Halaanki abhi ye live nahin hui hai, lekin agar aap ebay.in ka page open karte hain to wahaan aapko iski jaankaari mil jayegi.

Is platform se aap refurbished smartphones aur laptops ko unke original price ke 50 – 80% mein hi kharid sakti hain. Yaani ki aadhe daam mein ya usse thoda sa jyada. Well, company ke kehna hai ki price unke level of certification se hi decide kiya jayega.

Ab aab soch rahe hain ki refurbished kya hai ya company ke level of certification kya hain, to ye aap neeche di gayi video mein jaan sakte hain.

Filhaal, 2GUD smartphones, laptops, tablets aur inhin se jude other electronic accessories par focus karega, lekin aane waale samay ke saath company ismein bade electronic items ko bhi include karegi.

Flipkart ne ye bhi confirm kiya hai, ki jo bhi products 2GUD platform se purchase kiye jayenge wo poori tarah se tested aur certified honge. Saath hi in sabhi products par aapko 3 months se lekar 1 year tak ki waaranty bhi milegi.

Ebay isi month mein 14th ko band hui hai, aur iske theek baad Flipkart ne refurbished goods mein entry karne ke liye separate 2GUD platform ko launch kiya hai. Halaanki is website ko abhi kewal mobile web par open kiya jaa sakta hai aur ye aapke desktop ya mobile app mein kaam nahin karegi. Lekin company ke according jaldi hi iski mobile app aur desktop version bhi aa jayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: