Flipkart Ne Kiya India’s Biggest Smartphone Survey; Logon ki Smartphones Priority Aayi Saamne

Flipkart badi hi tezi se aage badh raha hai. Haal hi mein company ne FirstPost ke saath milkar India ka sabse bada smartphone survey kiya hai, jismein ye pata chala hai, ki Indian citizens smartphone mein kya pasand karte hain, ya yun kahein ki smartphone ka kaun sa feature jaise ki powerful processor, beautiful design ya amazing camera, pasand aata hai, ya unki priority kya hai.

Aaiye hum bhi aapko bataate hain ki aakhir Indians ki pehli pasand kya hai.

India ke is biggest smartphone survey se ye pata chala hai ki 18-30 years ke logon ko smartphone mein sabse pehle achha camera chahiye hota hai. Wahin 30 to 45 ki age group waale log, huge battery ko priority par rakhte hain. Lekin iske alawa in dono hi age group ke logon ki ek aur pasand hai, aaj ka sabse bada trend, notch display ke saath aane waale smartphones.

Ye to humne aapko age group ke according priority bata di hai, lekin iske alawa is survey mein ye bhi saamne aaya hai ki in sab features se jyada ek aur cheez smartphone mein logon ko chahiye aur sabhi age group ke logon ke liye zaroori hai, wo hai – powerful chipset.

Is smartphone survey mein 57 percent votes mile hain – fast performance dene waale chipset ko. Yaani ki India ki aadhi se jyada janta ko achhe processors ke saath smartphone chahiye.

Iske alawa is biggest smartphone survey mein ye bhi pata lagaya gaya hai ki logon ko smartphone kaun se colors mein pasand aate hain. Ismein Black color ke saath aane waale smartphones ko 51% votes milta hain. Wahin Smartphones mein Blue color ko lagbhag 25% log pasand karte hain aur Red color ko yahaan 10 percent logon ne chuna hai.

Aur is survey ke last mein Flipkart ka kehna hai ki wo jaldi hi Indian ki demand ko dhyaan mein rakhkar smartphone launch karne waala hai aur yahaan par likha gaya hai, “That red “real” in “reality” sure is suspicious.

Well, ab to aap samajh hi gaye honge, ki is survey se company aane waale smartphone “Realme 2” ki taraf logon ko attract kar rahi hai. Ye smartphone India mein 28th August ko exclusively Flipkart par launch hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: